حكوومەتا عێراقێ بۆ ڤێ هەیڤێ دێ 615 ملیار دیناران بۆ هەرێما كوردستانێ هنێریت
باسنيوز:
د كۆمبوونا جڤاتا وەزیرێن عێراقێدا، بڕیار لسەر هنارتنا گوژمەکێ پارەی بۆ مووچێن مووچەخۆرێن هەرێما كوردستانێ هاتە دان.
ل دیف زانیارییان، د کۆمبوونا ئەڤرۆ ئێكشەمبی 14/1/2024یا جڤاتا وەزیرێن عێراقێ، بڕیار لسەر هنارتنا 615 ملیار دیناران ب قەر بۆ دابەشکرنا مووچێن ڤێ هەیڤێ یێن مووچەخۆرێن هەرێما كوردستانێ هاتە دان.
شاندێ حکوومەتا هەرێما کوردستانێ هەفتیا بووری سەرەدانا بەغدا کر، د کۆمبووناندا دگەل بەرپرسێن عێراقێ داخاز کربوو، بودجا گشتییا عێراقێ بۆ ساڵا 2024، د بەرژەوەندییا مووچەخۆرێن هەرێما کوردستانێ بهێتە هەموار کرن، ئەڤە ژی ب جوداکرنا خەرجیێ ڕاستەقینە ژ مووچێن فەرمانبەران، هەڤدەم مووچێ فەرمانبەران بێخنە سەر خەرجیا (حاکیمە) لسەر ڤی بنەمای سەرۆک وەزیرێن عێراقێ لژنەیەکا سێ کەسی پێکئینا بۆ هندێ کۆ داخازیێن هەرێما کوردستانێ وەربگریت، لژنە ژی ژ وەزیرێ دارایی، وەزیرێ پەترۆلێ و وەزیرێ پلاندانانێ پێکهاتیە، ب وی ئارمانجێ کۆ ئەو لژنە گۆتۆبێژان لسەر میکانیزمان بکەت و بێخن ناڤ کۆمبوونا جڤاتا وەزیرێن عێراقێ کۆ بریارە ئەڤرۆ بهێتەکرن.
تُتاح هذه الصورة أيضا في: کوردی
