“هه‌يڤا بێت فەرمانبەرێن دھۆك و سلێمانی دێ بنە خودانێ ھەژمارا من”
بەڕێوەبەری گشتی بانکە بازرگانییەکان ئاماژەی بۆ ئەوە کرد: مانگی شوباتی داھاتوو پرۆسەی ھەژماری من لە ھەردوو پارێزگای دھۆک و سلێمانی بەڕێوەدەچێت و مۆڵەتی کردنەوەی بانکی نیشتمانیش دەرچووە و دەست بە ڕێکارەکانی کردنەوەی بانکەکە دەکرێت.
مەولود سابیر، بەڕێوەبەری گشتی بانکە بازرگانییەکان بە ماڵپەڕی فەرمیی پارتی دیموکراتی کوردستانی ڕاگەیاند: بەپێی پلانی حکوومەتی ھەرێمی کوردستان بۆ دروستکردنی ھەژماری من، بڕیارە لە مانگی شوباتی داھاتوو پرۆسەی ھەژماری من لە ھەردوو پارێزگای دھۆک و سلێمانی بەڕێوەبچێت، ھەموو فەرمانبەرانی حکوومەتی ھەرێمی کوردستان لە ھەردوو پارێزگاکە دەتوانن ببنە خاوەنی ھەژماری من، چونکە لە ھەولێر کۆتایی ھاتووە و لە سلێمانی و دھۆکیش پرۆسەکە لە مانگی داھاتوو بەڕێوەدەچێت.
بەڕێوەبەری گشتی بانکە بازرگانییەکان دەشڵێت: ھەر لە مانگی شوباتی داھاتوو ھەژماری من بۆ ھەموو خانەنشینانی ھەرێمی کوردستان بەڕێوەدەچێت، لە ھەولێریش تەنیا تا ئێستا فەرمانبەران بوونەتە خاوەنی ھەژماری من و خانەنشینان لە ھەموو ھەرێمی کوردستان مانگی داھاتوو دەست بە دروستکردنی ھەژماری من دەکەن.
لەبارەی دامەزراندنی بانکی نیشتمانی مەولود سابیر ئاماژەی بۆ ئەوە کرد: دامەزراندنی بانکی نیشتمانی ھەنگاوێکی گرینگە و مۆڵەتی دامەزراندن و کردنەوەی بانکی نیشتمانی لە بەغداوە دەرچووە، ئێستا مۆڵەتەکەمان گەیشتووەتە دەست، دەست بە ڕێکارەکانی دیکەی دوای مۆڵەت دەکرێت بۆ کردنەوەی بانکی نیشتمانی لە ھەرێمی کوردستان.
تُتاح هذه الصورة أيضا في: کوردی
