شوبات 23, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ئێكه‌تییا زه‌لامان: د ساله‌كێ دا 619 حاله‌تێن توندوتیژییێ بەرامبەر زه‌لامان هاتینه‌ تۆمارکرن

ئێكه‌تییا زه‌لامان: د ساله‌كێ دا 619 حاله‌تێن توندوتیژییێ بەرامبەر زه‌لامان هاتینه‌ تۆمارکرن

خانى نيوز:

ئێكه‌تییا زه‌لامێن کوردستانێ دکۆنگرەكێ رۆژنامەڤانیدا ئاشکرا کر، پار 619 سکالا و حاله‌تێن توندوتیژییی ل دژی زه‌لامان هاتینه‌ تۆمارکرن و 67 حالەتێن خۆکوشتنا زه‌لامان ژی هەبووینە، هەروەسا هەشت زه‌لام ژ لایێ هه‌ڤژینێن وانڤه‌ یان و کەسوکارێن زارۆیێن وانڤه‌ هاتینه‌ کوشتن.

هه‌روه‌سا گۆتییه‌، ژ سه‌رجه‌مێ ئەوان توندوتیژییان 49 زه‌لامێن دانعه‌مر ژ مالێن وان هاتینه‌ دەرخستن، هەروەسا 51 خیانەتێن هه‌ڤژینییێ هاتینه‌ تۆمارکرن و 12 حاله‌تێن توندتوتیژییا جەستەیی بەرامبەر زه‌لامان هاتینه‌ تۆمارکرن.

ئه‌و ژی ئاشكراكرییه‌، 17 حاله‌تێن توندوتیژییا دەروونی و سێکسی ل دژی زه‌لامان هاتینه‌ تۆمارکرن و نه‌هـ کەسان ژی هه‌ڤژینێن وان مووچه‌یێن وان ده‌ست ب سه‌ردا گرتینه‌ و 229 حاله‌تێن کەسوکاری ژ ژیانا خێزانی هەبووینە.

ئێكه‌تییا زه‌لامان دیاركرییه‌ ژی، د هه‌یاما ساله‌كێ دا ژ لایێ ژنان و خێزانێن وانڤه‌ دەست ب سەر 216 زارۆیان دا هاتییه‌ گرتن و بابێن وان ژ دیتان وان بێ به‌هر كرینه‌ و ئاشكرا كرییه‌” كو توندوتیژییا ل دژی زه‌لامان ل پارێزگه‌هان ب ڤی ره‌نگییه‌:

– پارێزگه‌ها هەولێر 25 حالەت

– پارێزگه‌ها سلێمانییێ 26 حالەت

– پارێزگه‌ها دهۆک 9 حالەت

– پارێزگه‌ها کەرکووکێ 5 حالەت

– پارێزگه‌ها هەلەبجە 2 حالەت

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi