دامەزراندن ل دژەتیرۆرا عێراقێ خەڵکێ ھەرێما کوردستانێ ژى بخۆڤه دگرت
بەغدا _KDP.info_
دەزگای دژەتیرۆری عێراق دەرگای دامەزراندنی کردۆتەوە، نوێنەری حکوومەتی ھەرێمی کوردستانیش لە فەرماندەی ئۆپراسیۆنی ھاوبەشی عێراق دەڵێت: ئەو دامەزراندنە خەڵکی ھەرێمی کوردستانیش دەگرێتەوە و بۆ ھەموو خەڵکی عێراق و ھەرێمی کوردستانە.
لیوا عەبدولخالق تەڵعەت، نوێنەری حکوومەتی ھەرێمی کوردستان لە فەرماندەیی ئۆپراسیۆنی ھاوبەشی عێراق، بۆ ماڵپەڕی فەرمیی پارتی دیموکراتی کوردستان گوتی: دەزگای دژەتیرۆری عێراق دەرگای دامەزراندنی کردووەتەوە و بەردەوامیش خەڵک داواکاری پێشکەش دەکەن، تا ئێستا ١٥ ملیۆن کەس داواکارییان پێشکەش کردووە و خەڵکی ھەرێمی کوردستانیش دەگرێتەوە، بەڵام بۆ دەوامکردن پێویستە بچن لە خوارووی عێراق دەوام بکەن.
لیوا عەبدولخالق تەڵعەت گوتیشی: لینکێک کراوەتەوە و خەڵک لەڕێگەی ئەو لینکەوە دەتوانن داواکاری پێشکەش بکەن.
بڕیارە چوار ھەزار کەس بۆ دەزگای دژە تیرۆری عێراقی دابمەزرێنن و ماوەی کاراکردنی لینکیش سێ ڕۆژە.
تُتاح هذه الصورة أيضا في: کوردی
