ته‌مموز 18, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ده‌سته‌یا ئامارێ : هژمارا ئاكنجيیێن هه‌رێما كوردستانێ زێده‌بووينه‌

ده‌سته‌یا ئامارێ : هژمارا ئاكنجيیێن هه‌رێما كوردستانێ زێده‌بووينه‌
 خانى نيوز:

لدووڤ داتایێن ده‌سته‌یا ئامارا هه‌رێما كوردستانێ هژمارا ئاكنجییان د ئه‌ڤ ساله ‌دا ب هه‌ڤبه‌ركرن ل گه‌ل سالێن بورى زێده‌بووینه‌‌ و نوكه‌ تێكرایا هژمارا ئاكنجییان گه‌هشتییه‌ 6 ملیون و 556 هزار و 752 كه‌سان.
گوهدار محه‌مه‌د به‌رپرسێ ئامارا ئاكنجیبوونێ و هێزا كاری ل ده‌سته‌یا ئامارا هه‌رێما كوردستانێ راگه‌هاند: لدووڤ هه‌ڤكێش و پیڤه‌رێن ئامارێن گرێداىی ب رێژا گه‌شه‌یا سالانه‌ و ژمارا ئاكنجییێن هه‌رێما كوردستانێ بۆ سالا 2022 ێ” ب ڤى ره‌نگى یه”‌ پارێزگه‌ها هه‌ولێرێ 2 ملیۆن و 346 هزار و 364 كه‌س و ل پارێزگه‌ها دهۆكێ ملیونه‌ك و 730 هزار و 88 كه‌س ” ل پارێزگه‌ها سلێمانییێ 2 ملیون و 230 هزار و 169 كه‌س و هه‌له‌بچه‌ 119 هزار 315 كه‌س بوون.
هه‌روه‌سا دیاركرییه‌ هژمارا ئاكنجییێن سالا 2023 ێ” زێده‌تره‌ ژ سالا 2022 ێ، به‌رپرسێ ئامارێن ئاكنجیبوونێ و هێزا كاری ل ده‌سته‌یا ئامارا هه‌رێما كوردستانێ گۆت ژى: لدووڤ داتایان بۆ سالا 2022 ێ تێكرایا هژمارا ئاكنجییان 6 ملیۆن و 426 هزار 236 كه‌س بوون و سالا 2023 ێ هژمارا ئاكنجیان بوویه‌ 6 ملیۆن و 556 هزار و 752 كه‌س و ب ڤێ هژمارێ د ئه‌ڤ ساله‌دا به‌روارد ب سالا بورى زێده‌تر ژ 130 هزار كه‌سان زێده‌كریه‌.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi