سهرۆكاتیا ههرێما كوردستانێ رێورهسمهكێ پێشوازیێ بۆ دپلۆماتكاریێن بیانى رێكخست
گاڤ
سەرۆکاتیا هەرێما کوردستانێ ئهڤرۆ پێنجشهمبیێ ب ئامادەبوونا سەرۆک نێچیرڤان بارزانی رێورەسمەکێ پێشوازیێ ب هەلکەفتا كریسمس و جهژنا سەرسالێ بۆ دپلۆماتکارێن بیانی یێن ل هەرێما کوردستانێ رێكخست.
سهرۆكاتیا ههرێمێ بهلاڤكریه “ب ههلكهفتا هاتنا جهژنێن كریسمسێ و سهرێ سالا زایینى، سهرۆكاتیا ههرێما كوردستانێ رێورهسمهكێ پێشوازیێ و نانخوارنێ بۆ دپلۆماتكار و نوینهرێن وهلاتان و ههڤپهیمانان ل ههرێما كوردستانێ سازكر”.
دیار ژى كریه “نێچیرڤان بارزانى سهرۆكێ ههرێما كوردستانێ و جێگرێن سهرۆكى و نوینهرێ تایبهت یێ سكرتێرێ گشتى یێ نهتهوهیێن ئێكگرتى و ژمارهیهكا وهزیران و بهرپرسێن حكومهتا ههرێما كوردستانێ و بالیۆزێن وهلاتان تێدا ئاماده بوون”.
ههر ل گۆرهى بهیانا سهرۆكاتیێ “فهوزى ههریرى سهرۆكێ دیوانا سهرۆكاتیا ههرێما كوردستانێ د پهیڤهكا بخێرهاتنێ دا، ب ناڤێ سهرۆكاتیا ههرێما كوردستانێ پیرۆزباهیا جهژنێن كریسمسێ و سهرێ سالا نوى یا زایینى ل ئامادهبوویان كر و سوپاسیێن گهلێ كوردستانێ بۆ هاریكارى و پشتگیریا وهلاتان ل ههرێما كوردستانێ دوپاتكر، ههروهسا هیڤیا سالهكا نوى یا ئارام و ئاسووده ههروهسا داخوازا پێشكهفتنێ بۆ ههمیان خواست”.
ههر د پهراوێزا رێورهسمى دا، هندهك تابلۆیێن هونهرى یێن دیلانێن كوردى هاتنه نیشاندان.
تُتاح هذه الصورة أيضا في: کوردی