شوبات 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

هەولێر چوو ئاهەنگان بۆ جەژنێن کریسمس و سەرێ ساڵێ ئەنجام ناده‌ت

هەولێر چوو ئاهەنگان بۆ جەژنێن کریسمس و سەرێ ساڵێ ئەنجام ناده‌ت
هه‌ولێر-KDP.info-

پارێزگاری هەولێر ئاماژە بەوە دەکات، بەهۆی کارەساتی قەزای حەمدانییە و ئاگرکەوتنەوەی باڵەخانەکەی سۆران کە هاووڵاتیانێکی زۆر لە هەردوو کارەساتەکە گیانیان لەدەستدا، بۆ رێزگرتن لە گیانی ئەو قوربانیانە، پارێزگای هەولێر هیچ ئاهەنگێک بۆ جەژنەکانی کریسمس و سەری ساڵ بەرێوەنابات.

بەپێی راگەیاندراوێکی پارێزگای هەولێر، ئەمڕۆ دوو شەممە، ئومێد خۆشناو پارێزگاری هەولێر لەگەڵ قایمقامەکانی ناوەند و عەنکاوە و بەرێوەبەرایەتیە گشتیەکانی گەشتوگوزار و تەندروستی و هێزەکانی ناوخۆ و زێرەڤانی کۆبوەوە.

بەپێی راگەیاندراوەکە، پارێزگاری هەولێر لە کۆبوونەوەکەدا ئاماژەی بەوە کردووە، بەهۆی کارەساتی قەزای حەمدانییە و ئاگر کەوتنەوە لە باڵەخانەیەکی سۆران کە تێیاندا ژمارەیەکی زۆری هاووڵاتیان گیانیان لەدەستدا و برینداربوون، بۆ رێزگرتن لە گیانی ئەو قوربانیانە و هەستی خانەوادەکانیان، پارێزگای هەولێر هیچ ئاهەنگ و بۆنەیەکی فەرمی تایبەت بە سەری ساڵی نوێ ئەنجام نادات، بەڵام هاووڵاتیان ئازادن لەوەی لە هۆتێل و شوێنە گەشتیارییەکان ئاهەنگ ساز بکەن.

ئومێد خۆشناو ئاماژەی بەوە کردووە، لەپێناو پاراستنی سەر و ماڵی هاووڵاتیان و گەشتیاران، بۆ رێگەگرتن لە روودانی هەر رووداوێکی نەخوازراو و نا یاسایی، ئەرکیان بەسەر تەواوی هێزە ئەمنییەکان لە پۆلیس و ئاسایش و زێرەڤانی، پۆلیسی فریاکەوتن و چالاکییە مەدەنییەکان، هاتوچۆ و بەرگری شارستانی و تیمە تەندروستییەکان دابەشکردووە، دووپاتیشی کردووە کە پێویستە ئاسانکاری لە دەروازەکان پێشکەشی ئەو گەشتیارانە بکرێت کە بۆ شەوی سەری ساڵ دێنە هەولێر.

پارێزگاری هەولێر ئاماژەی بەوە کردووە رێگری لەوانە دەکرێت کە نیازیان هەبێت لە دەرفەتی پشووی سەر ساڵ بیکەنە سەر موڵکی گشتی و زێدەڕۆیی و سەرپێچی لەسەردا بکەن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi