شوبات 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

جڤاتا وه‌زیرێن هه‌رێمێ : كاره‌بێ كێم بكاربینن و پارێ وێ ل ده‌مێ خۆ بده‌ن

جڤاتا وه‌زیرێن هه‌رێمێ : كاره‌بێ كێم بكاربینن و پارێ وێ ل ده‌مێ خۆ بده‌ن
گاڤ
جڤاتا وه‌زیرێن هه‌رێما کوردستانێ ئەڤرۆ ب سەرۆکاتیا مەسروور بارزانی، سەرۆکێ حکومەتا هەرێما کوردستانێ كۆمبوو، ئێك ژ بڕگه‌ین كۆمبوونێ بۆ باشتركرنا ره‌وشا كاره‌با نیشتیمانى هاتبوو ته‌رخانكرن، گرێداى ڤێ مژارێ وه‌زیرێ كاره‌با هه‌رێمێ راگه‌هاند، ره‌وشا كاره‌با گشتى ئاسایی بوویه‌ و 8 تا 10ده‌مژمێران هه‌یه‌.
ل گۆره‌ى راگه‌هاندنه‌كا جڤاتا وه‌زیرێن هه‌رێما كوردستانێ ئه‌ڤرۆ ب سه‌رۆكاتیا سه‌رۆكێ حكومه‌تا هه‌رێما كوردستانێ مه‌سروور بارزانى جڤاتا وه‌زیرێن هه‌رێمێ كۆمبوو، د كۆمبوونێ دا، باس ل رویدانا ئاگربه‌ربوونا 8ى ڤێ هه‌یڤێ یا سۆران هاته‌ كرن كو تێدا 14 كه‌سان گیانێ خۆ ژ ده‌ستدا، رێكارێن دهه‌وارچوونا ئالیێن په‌یوه‌ندیدار و ڤه‌كۆلین ل دۆر ئه‌گه‌رێن رویدانێ هاتنه‌ باسكرن.
توندوتیژیا همبه‌ر ژنان ئالیه‌كێ دى یێ كۆمبوونێ بوو، ب كۆما ده‌نگان راسپارده‌ و چاره‌سه‌ریێن تایبه‌ت ب پرسا زێده‌بوونا حاله‌تێن توندوتیژیا ل دژى ژنان هاتنه‌ په‌سه‌ندكرن كو جێگرێ سه‌رۆكوه‌زیران قوباد تاله‌بانى د كۆمبوونا بۆرى دا پێشنیاز كربوون.
ته‌وه‌رێ سه‌ره‌كیێ كۆمبوونێ بۆ باشتر كرنا ره‌وشا كاره‌با نیشتیمانى هاتبوو ته‌رخانكرن، وه‌زیرێ كاره‌بێ كه‌مال محه‌مه‌د راپۆرته‌ك پێشكێشكر ل دۆر ڤه‌مرینا كاره‌با گشتى ل 30ى هه‌یڤا بۆرى و چه‌وانیا زێده‌كرنا به‌رهه‌مێ كاره‌بێ و كاره‌با پریپه‌ید و بهایێ وێ.
وه‌زیرێ كاره‌بێ دا زانین نها ره‌وشا كاره‌با نیشتیمانى پشتى ڤه‌مرینا گشتى ئاسایی بوویه‌ و رۆژانه‌ 8 بۆ 10 ده‌مژمێران كاره‌ب هه‌یه‌.
كه‌مال محه‌مه‌دی ره‌تكر ژى كاره‌با هه‌رێمێ ب ناوچه‌یێن دى یێن ئیراقێ بهێته‌ فرۆشتن و دیاركر، كاره‌ب ب ره‌نگه‌كێ دادپه‌روه‌رانه‌ بسه‌ر ناوچه‌یێن هه‌رێمێ دا دهێته‌ به‌لاڤكرن.
هه‌ر ل دۆر ڤێ پرسێ جڤاتا وه‌زیران وه‌زاره‌تا دارایی و ئابۆرى و ئالیێن په‌یوه‌ندیدار راسپاردن بۆ گرتنه‌به‌را رێكارێن پێدڤى بۆ دابینكرنا پێدڤیان و ته‌رخانكرنا بودجه‌یه‌كا پێدڤى، وه‌زاره‌تا كاره‌بێ ژى راسپاردبۆ چاره‌سه‌كرنا كێشه‌یێن كاره‌بێ و مفا وه‌رگرتن ژ ژێده‌رێن دى یێن به‌رهه‌مئینانا كاره‌بێ وه‌كو تێهنا رۆژێ.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi