وەزارەتا دارایی بریارەک بۆ فەرمانبەران دەرکر
باسنيوز:
وەزارەتا دارایی، بریارەک بۆ هەژمارکرنا خزمەتا راژەی بۆ هندەک فەرمانبەران دەرکر، دێ خزمەتا پارێزەر و ئەندازیار و نوژداران بۆ هێتە هژمارتن.
لگۆر نڤیسارەکا وەزارەتا دارایی یا حکوومەتا هەرێما کوردستانێ، کۆ ژلایێ ئاوات شێخ جەناب، د 23ێ11ێ 2023 دەرچوی و کۆپییەک دەست (باسنیوز) کەفتی، ئاماژە ب نڤیسارەکا جڤاتا وەزیران هاتیە کرن، بۆ هژمارکرنا راژەیا پارێزەرایەتی و ئەندازیاری و نوژداریێ.
د نڤیسارێدا هاتیە:” هژمارکرنا راژەیا پارێزەراتی و ئەندازیاری و نوژداریێ، بەری دامەزراندنێ دێ بۆ هێتە هژمارتن، کۆ هێشتا نەکەفتیە ناڤ راژا کرداریا(فعلی)یا فەرمانبەری، نەک دناڤبەرا دوو دامەزراندنا.”
د خاڵا دووێ یا بریارا دارایی دا هاتیە:”هەر فەرمانبەرەک زێدەتر ژ جارەکێ هاتبیتە دامەزراندن، هەر راژەکا دی یا کۆ د ناڤبەرا دامەزراندنان دا هەبیت، دێ بۆ هێتە هژمارکرن”.
هژمارا راژەی بۆ سەر خزمەتا فەرمانبەری، بۆ گوهرینا ناڤ و نیشان و زێدەکرنا مووچەیە، هەروەسا دێ بۆ خانەنشینیێ مفا ژێ هێتە وەرگرتن.
لگۆر دیفچونێن (باسنیوز)، بەری نوکە ب فەرمانەکێ ژ لایێ جڤاتا وەزیران، د 6ێ12ێ 2020 هەمی نڤیسارێن تایبەت بۆ هژمارتنا خزمەتێ هاتبوو راگرتن، پشترە جڤاتا وەزیران، ب نڤیسارەکێ کۆ د 31ێ5ێ 2022 دەرچووی، بریارا دا هژمارکرنا خزمەتا فەرمانبەران لگورەی چەند رێکار و مەرجان دەست پێ بکەت.
جڤاتا وەزیران ئاماژە ب وێ دا، لگورەی رێکارێن یاسایی، دێ بریار ل سەر هژمارکرنا خزمەتا فەرمانبەران هێتە دان.
تُتاح هذه الصورة أيضا في: کوردی
