سه‌رۆك نێچیرڤان بارزانى پشكدارى د هه‌لكه‌فتا رۆژا نیشتیمانى یا ئیماراتێ دا كر
گاڤ
سه‌رۆكێ هه‌رێما كوردستانێ هه‌ڤده‌م ل گه‌ل پشكداریێ د كۆنفرانسێ COP28 دا پشكدارى د هه‌لكه‌فتا رۆژا نیشتیمانى یا ئیماراتێ دا كر.
سه‌رۆك نێچیرڤان بارزانى ئه‌ڤرۆ شه‌مبیێ ل دوبه‌ى پشكدارى د رێوره‌سمێن هه‌لكه‌فتا رۆژا نیشتیمانى یا ئیماراتێ دا كر.
رێوره‌سم یا هه‌ڤده‌م بوو ل گه‌ل به‌رده‌وامیا كار و چالاكیێن كۆنفرانسێ نه‌ته‌وه‌یێن ئێكگرتى بۆ گوهۆڕینێن سه‌قاى COP28 و ب پشكداریا مێهڤان و ئاماده‌بوویێن كۆنفرانسى برێڤه‌چوو.
سه‌رۆكاتیا هه‌رێمێ به‌لاڤكریه؛ نێچیرڤان بارزانى سه‌رۆكێ هه‌رێما كوردستانێ ب ناڤێ هه‌رێما كوردستانێ پیرۆزباهى ل شێخ محه‌مه‌د بن زاید ئال نه‌هیان سه‌رۆكێ ئیماراتێ و گه‌لێ ئیماراتێ كر و داخوازا سه‌ركه‌فتنێ و به‌رده‌وامیێ بۆ خواست.
سه‌رۆك نێچیرڤان بارزانى ل پێنجشه‌مبیێ ل سه‌ر داخوازنامه‌یا فه‌رمى یا سه‌رۆكێ ئیماراتێ ژ بۆ پشكداریێ د كۆمبوونێن گۆپیتكێ و ڤه‌كرنا كۆنفرانسێ COP28 دا گه‌هشتبوو دوبه‌ى و د په‌راوێزا كۆنفرانسى دا دیدار ل گه‌ل ژماره‌یه‌كا سه‌رۆك و شاهـ و سه‌ركرده‌یێن وه‌لاتان ئه‌نجامدان.
تُتاح هذه الصورة أيضا في: کوردی
