ده‌ستپێشخه‌ریێن مه‌سرور بارزانی، سه‌رۆكوه‌زیرێن هه‌رێما كوردستانێ سه‌باره‌ت به گۆهرینا كه‌شوهه‌وای
باسنيوز:
كابینا نەهێ یا حكوومه‌تا هه‌رێما كوردستانێ ب سه‌رۆكایه‌تیا مه‌سرور بارزانی هەر دگەل ده‌ستبكاربوونا وی گرنگییه‌كا مەزن دایە وزەیا پاكژ وه‌كو وزەیا جهـگیر دوارێ پاراستنا ژینگه‌هـ و كێمكرنا كاریگه‌ریێن نه‌رێنی لسه‌ر كه‌شوهه‌وای.
كابینا نەهێ یا حكوومه‌تا هه‌رێما كوردستانێ د ماوێ ده‌ستبكاربوونێدا چه‌ندین پڕۆژێن جودا د بوارێن پاراستنا ژینگه‌ی و كه‌شوهه‌وای بجهئینانە و هندەک ژی د قۆناغا بجهئینانێدانە.
حكوومه‌تا هه‌رێما كوردستانێ دڤێ چارچوڤێدا د مەها ئاب یا سالا 2021دا بریار دا کۆ سووتنا غازێ ل هەمی پارزینکێن پەترۆلێ ل سەرتانسەرێ هەرێما کوردستانێ بهێتە قەدەغە کرن، بۆ ڤێ مه‌رەمێ بریار ئێکسەر هاتەبجهئینان، ب شێوه‌کێ کۆ رۆژانە زێدەتر ژ 150 ملیۆن پیێن سێجا غاز هاتیە سووتن، ژبەر نیگەرانیێن ژینگەهـ و کەشوهەوای حکومەتێ ب تەمامی ئەو کار قەدەغە کر.
سه‌رۆكوه‌زیرێن هەرێما كوردستانێ، هه‌روه‌سا ل ئایارا ئه‌ڤ سالە (2023) بەرێ بنیاتی بۆ مەزنترین وێستگەها وزەیا روژێ ل هەرێما کوردستانێ دانا، پرۆژە ب کوژمێ 100 ملیۆن دۆلاران ب شیانێن 25 مێگاواتا دهێتە ئەنجامدان، بڕیارە دسالا 2024 دا بهێتە تەمام کرن و بکەڤە بوارێ بجهئینانێدا، ئەڤە ژی پشکەکە ژ دیدگەهێ سەرۆکوەزیر و چوون بەر ب ئاراستەیێ وزەیا نویبوون و دویرکەتن ژ سووتەمەنیا بەردینی، وی دەمی مەسرور بارزانی سه‌رۆكوه‌زیران بۆ رۆژنامه‌ڤانان گوتبوو: “هیڤیدارم ئەڤ پێنگاڤە ببیتە دەستپێکەک بۆ ئەنجامدانا پرۆژێن هەڤشێوە و د دەمێن بهێت دا و ل سەرانسەرێ باژێرێن هەرێما کوردستانێ بهێنە بجهئینان .”
ژ لایەکێ دیڤە كابینا نەهێ یا حكوومه‌تا هه‌رێما كوردستانێ هەر ل دەمێ ده‌ستبكاربوونێ زێدەتر ژ 100 پۆند ل سەرانسەرێ هەرێما کوردستانێ چێکرنە بۆ کۆمکرنا ئاڤا بارانێ، ئەڤ پۆندە ژی وەکە رزگارکەرێن ئاڤێنە بۆ هەیڤێن هاڤینێ، کێلگەهێن چاندنێ و کەرتێ ئاژەلداریێ دهێنە پاراستن، ژ بلی هندێ کۆ رێگریێ ژ لەهی و تێکدانا زەڤیێن چاندنێ دکەت.
سەرۆکێ حکوومەتا هەرێما کوردستانێ د هەیڤا چریا ئێکێ یا ئه‌ڤ سالە، کارگەهەکا پێشکەفتی یا ریسایکلینا قێری ل هەولێرێ ڤەکر، کارگەهـ لگورەی ستانداردێن ژینگەها هەڤچەرخ هاتیە چێکرن و ئێکەم کارگەهە ژ جۆرێ خۆ ل عێراقێ و هەرێما کوردستانێ بکەڤیتە کاری، مه‌سرور بارزانی سەرۆک وەزیران پشترە راگه‌هاند، ئەڤ پرۆژە تەکەز لسەر پابەندبوونا حکومەتێ ب پاراستنا ژینگەهـ و چاکسازییا ئابووری دکەت.
حكوومه‌تا هه‌رێما كوردستانێ بەری نوکە د سالا 2022دا یاسایا هژمارە 14 پەسەند کر کۆ تایبه‌ته ب پاراستنا هەمی ئاژەلێن کێڤی و بێسەرپەرشت ژ سەرەدەریێن نە ساخلەم.
هه‌روه‌سا حكوومه‌تا هه‌رێما كوردستانێ د كابینا نەهێ دا یاسایا هژمارە 4 یا تایبەت ب پاراستنا ژێدەرێن ئاڤێ ژ پیسبوونا پیشەسازی یان ژی گۆهرینا تۆپۆگرافیا چێکریێ مرۆڤان پەسەند کر.
تُتاح هذه الصورة أيضا في: کوردی
