شوبات 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ب فه‌رمانا مه‌سرور بارزانى 100 تووشبوویێن تالاسیمیایێ دێ بۆ چاندنا مه‌ژى ڕه‌وانه‌ى توركیا و ئوردنێ هێنه‌كرن

ب فه‌رمانا مه‌سرور بارزانى 100 تووشبوویێن تالاسیمیایێ دێ بۆ چاندنا مه‌ژى ڕه‌وانه‌ى توركیا و ئوردنێ هێنه‌كرن
خانى نيوز:
ب فه‌رمانا سه‌رۆكوه‌زیرێن هه‌رێما كوردستانێ، 100 تووشبوویێن تالاسیمیایێ چاندنا مه‌ژى دێ ژ ده‌رڤه‌ى وه‌لاتى بۆ هێته‌كرن.
فه‌رمانگه‌ها میدیا و زانیارییان به‌لاڤكر، ب فه‌رمانا مه‌سرور بارزانى سه‌رۆكێ حكومه‌تا هه‌رێما كوردستانێ، ڕه‌زامه‌ندى ل سه‌ر چاره‌سه‌ركرن و چاندنا مه‌ژى بۆ 100 تووشبوویێن نه‌خۆشییا تالاسیمیایێ ژ ده‌رڤه‌ى هه‌رێما كوردستانێ هاته‌ دان.
ئاماژى ب هندێ ژى دا، وه‌زاره‌تا ساخله‌مییا حكومه‌تا هه‌رێما كوردستانێ ب هه‌ماهه‌نگى دگه‌ل فه‌رمانگه‌ها په‌یوه‌ندییێن ده‌رڤه‌ هاتنه‌ ڕاسپاردن كو ب رێكارێن پێدڤى بۆ چاره‌سه‌ركرنا نه‌خۆشان ل هه‌ردوو وه‌لاتێن ئوردن و توركیا ڕابن.
حكومه‌تا هه‌رێما كوردستانێ دێ ره‌وشا ساخله‌مییا تووشبوویان ل سه‌رانسه‌رى هه‌رێما كوردستانێ كه‌ته‌ بنه‌ما بۆ رێزبه‌ندیكرنا وان ب مه‌ره‌ما چاره‌سه‌ركرنا وان ژ ده‌رڤه‌ى وه‌لاتى.
ل هه‌رێما كوردستانێ نێزیكى چار هزار نه‌خۆشێن تالاسیمیایێ هه‌نه‌، ل سالا بوورى 19-5-2022ێ، ب بریارا مه‌سرور بارزانى سه‌رۆكێ حكومه‌تا هه‌رێما كوردستانێ ب كوژمێ پێنج ملیۆن و 500 هزار دۆلاران، ب مه‌ره‌ما چاندنا مه‌ژییێ هه‌ستییان بۆ 100 تووشبوویێن تالاسیمیایێ ژ ده‌رڤه‌ى هه‌رێما كوردستانێ خه‌رجكربوون.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi