جڤاتا وەزیران کۆمبوو و چەند پرسەکێن گرنگ گۆتۆبێژ کرن
باسنيوز:
ئەڤرو چارشەمبی 22/11/2023، ب سەرپەرشتییا سەرۆک وەزیران مەسرور بارزانی و ب ئامادەبوونا قوباد تالەبانی جێگرێ سەرۆک وەزیران، جڤاتا وەزیرێن هەرێما کوردستانێ، کۆمبوو.
د برگا ئێكێ دا سیراج بارزانی سهرۆكێ راژهیا گشتی، راپۆرتهك دهربارێ میلاكێ گشتی و هێزا كاری یا كهرتێ گشتی یێ حكومهتا ههرێما كوردستانێ پێشكێشكر، ب ژماره و داتا و زانیاریێن هوور ل سهر ڤی بابهتی پێشنیاز و چارهسهریێن پێدڤی بهرچاڤكرن، ب مهرهما دامەزراوەییکردنا پرۆسا دامهزراندنێ ل كهرتێ گشتی، بهرچاڤكرنا هەیکەلێ كارگێری و ڕێڤهبرنا پێكهاتێن وهزارهت و دامهزراوهیێن ههرێمێ.
ل دۆر ڤێ چهندێ پێشنیار و ڕاسپاردێن پێتڤی بۆ رێكخستنا میلاك و وهزیفێن گشتی ب شێوهیهكێ زانستی دچارچوڤێ قانووناندا هاتنه پێشكێشكرن كو دێ كارتێكرنهكا ئهرێنی ل سهر كهرتێ وهزیفا گشتی ههبیت، پشترە دناڤ راپۆرتێدا، سهرۆكێ جڤاتا راژهیا گشتی، ئهنجامێ پرۆسا هووربینیا ههڤپشكا ههردوو دیوانێن چاڤدێرییا داریی فیدرال و ههرێمێ سهبارهت ب میلاكێ گشتی بهرچاڤكر، سەبارەت ب میلاکێ گشتی ئاماژه ب هندێ ژی دا ههموو خشته و زانیاری و ژماره بۆ تیما ههڤبهشا هووربینییێ بهرچاڤكرن، دئهنجامدا پشتی هووربینییێ خشتهیێ مووچهخۆرێن ههرێمێ پێشكێشی ههردوو حكومهتا فیدرال و ههرێمی هاتنه كرن كو پێنگاڤهكا گرنگه بۆ دابینكرنا شایستێن دارایێن مووچهخۆان.
پشتی دانوستاندن و گوتوبێژکرن ل سهر راپۆرتێ، جڤاتا وهزیران چهند پێشنیار و ڕاسپاردێن جڤاتا راژهیا گشتی پهسهندكرن ژبهر دامەزراوەییکردنا زێدهتر یا كهرتێ وهزیفا گشتی و هێزا كاری ل دامهزراوهیێن ههرێما کوردستانێ، ههروهسا ههمی وهزارهت هاتنه راسپاردن كو هاریكارییا جڤاتا راژهیا گشتی بكهن بۆ بجهئینانا ئهوان بریارێن هاتینه پهسهندكرن، فهرمانگهها ههماههنگی و دووڤچوون بۆ رهخساندن و ههماههنگیێ بۆ ڤێ مهرهمێ هاتنە راسپاردن.
د برگهیهكا دی یا راپۆرتێدا، دانوستاندن دهربارێ بجهئینانا چهندین مادده و برگێن دیێن یاسایا چاكسازیێ ب تایبهتی د بوارێ خانهنشینیێدا هاتنه كرن، كو ژلایێ عەبدولحەکیم خەسرهوڤه سكرتێرێ لژنا بلند یا بجهئینانا یاسایا چاكسازیێ هاته خواندن.
جڤاتا وەزیران ژ بلی دووپاتکرنا گرنگییا بەردەوامیدان ب بجهئینانا یاسایێ چاکسازی کو پرۆسەکا ستراتیژییا بەردەوامە ب ئاراستەیێ ڕێکخستنا وەزیفا گشتیی و خانەنشینیێ ل هەرێمێ د رێکا بەرجەستەکرنا دادپەروەریی و شایستەبوون ل مفاداری ل بودجا گشتیی، د هەمان دەمدا، جڤاتێ تەکەز ل گرنگییا بجهئینانا ئەڤێ یاسایێ کر کو ئارمانج لێ داکۆکیکرنە ل مافێن مووچەخۆرێن شایستە کو پێتڤیە مافێن وان پاراستی بن.
تُتاح هذه الصورة أيضا في: کوردی
