جڤاتا وەزیرێن هەرێما کوردستانێ بریارەک دەرکر
باسنيوز:
جڤاتا وەزیرێن هەرێما کوردستانێ ب نڤیسارەکێ، کۆ 31ێ10ێ 2023 دەرچویە و ئاراستەی وەزارەتان کریە و کۆپیەک دەست (باسنیوز) کەفتیە، ئاماژە ب چەند بریارەکێن جڤاتا وەزیران کریە.
د نڤیسارێ دا هاتیە: پێتڤیە یەکەیێن مەزاختنێ ل هەرێما کوردستانێ، ژ 10 رۆژێن ئێکێ یێن هەمی هەیڤان تەرازوویا پێداچونا هەیڤا بەرێ ئاراستەی فەرمانگەها ژمێریاری ل وەزارەتا دارایی و ئابووریا هەرێما کوردستانێ بکەن.”
تەکەز ژی کر:”فەرمانگە و وەزارەت بەرپرسن ژ راستی و دروستیا داتا و زانیاری و هەژمارا تەرازوویا پێداچونێ و دڤێت یاسا و رێنمایین دارایی و ژمێریاری ل بەر چاڤ بهێتە وەرگرتن.”
د نڤیسارێدا ئاماژە ب وێ ژی دایە:”وەزارەتا دارایی و ئابووری دێ رێکارێن یاسایی و ئیداری و ژمێریاریێن پێتڤی بەرامبەر هەر یەکەیەکا مەزاختنێ گرتەبەر، گەر خەمساریێ ژ تەرازوویا پێداچونێ د دەمێ خوەدا بکەن.”
تُتاح هذه الصورة أيضا في: کوردی
