سەرۆکێ حکوومەتێ ل کۆڕبەندا MEPS: پەرەسەندنێن ئەڤێ داوییا عێراقێ جهێ نیگەرانیێ نە
باسنيوز:
ئەڤرۆ دووشەمبی 20/11/2023، ب بەرهەڤبونا نێچیرڤان بارزانی، سەرۆکێ هەرێما کوردستانێ و مەسرور بارزانی، سەرۆکێ حکوومەتا هەرێما کوردستانێ و هەژمارەکا زۆر ژ کەسایەتیێن سیاسی و ڤەکۆلەر و کەسایەتیێن ئەکادیمی و ناڤدارێن هەرێما کوردستانێ و عێراقێ و ڕۆژهەڵاتا ناڤەڕاست و ئەورووپا و باکوورێ ئەمەریکا، کۆڕبەندێ ئاشتی و ئاسایشا ڕۆژهەڵاتا ناڤەڕاست ناڤدارە ب MEPS سەر ب زانکۆیا ئەمەریکی یا کوردستانێ ل دهۆکێ دەست پێ کر.
د دەستپێکا کۆڕبەندێ دا مەسرور بارزانی، سەرۆکێ حکوومەتا هەرێما کوردستانێ، گۆتارەک پێشکێش کر،
ئەڤە دەقێ گۆتارا وی یە:
بەڕێز سەرۆکێ هەرێما کوردستانێ نێچیرڤان بارزانی سەرکردێن بەڕێز، شاهرەزایان، مێڤانێن هێژا ئامادەبوویێن خوشتڤی.
سپێدە باش
ب خێرهاتنەکا گەرم ل هەوە دکەم بۆ چارەمین کۆڕبەندا ئاسایش و ئاشتییا ڕۆژهەڵاتا ناڤەراست کو ژ لایێ زانکۆیا ئەمەریکی ل کوردستانێ هاتیە رێکخستن.
جارەکا دی، دگەڵ کۆمەکا شاهرەزایان، بازرگان و بڕیار ب دەستدان کۆمبووین، کۆ هەمی ژ وان شاهرەزایی و تێگەهیشتنەکا کویر بۆ دەڤەرامە و پابەندیێن هەڤبەشێن مە و ئەو ئاریشێن کۆ هەین ، ئەو تاقیکرنێن کۆ ڕیبری وان بین وەکە خەڵک و نەتەوە، تاقیکرنێن مەزنن، هەرئێک ژ وە کۆ ئەڤرو ڤێرە، سالا بوری ب رەنگەک ژ رەنگان ڕیبریا وان ئاریشا بوون کۆ د چەند ڕۆژێن بهێت دێ بەحس کەین.
ئەو ئەجێندایێن کۆ ژ ئالیێ ڕێکخەرێن کۆنفرانسێ هاتیە دانان، برێتینە ژ وان ئاریشا کۆ ڕۆژانە ڕیبریا مە هەمیان دبن، مژارێن وەکۆ گۆهرینا کەشوهەوای، کۆچا ب کۆم، توندڕەویی و پاڵنەرێن وێ و درێژی دان وبەردەوامییا ژێدەرێن خەوازیی و سیستەمێن رێڤەبرنێ، ئەڤان بابەتان دێ گۆتۆبێژ لسەر هێنە کرن، پێشبینییا وێ ژی دکەم هندەک ژ وان گۆتۆبێژێن دهێنە کرن زانیاری و بەرچاڤڕوونی تێدا هەبیت ل دوور بڕیاردان و بژاردێن سیاسی، ژبەر ڤان ئەگەرا، کۆمبوونەکا ب ڤی رەنگی و ئەو گۆتۆبێژێن کۆ تێدا دهێنە کرن ژ ئالیێ ڕۆشنبیر و شاهرەزایان، دشین هاریکاربن بۆ هندێ دەرئەنجامەکێ باش هەبیت.
خۆشحاڵم کو پشکدار ژ چەند وڵاتەکێن جودا هاتنە، ئەو هەڤالێن ژ وڵاتانێن دەردور و جیران و دوور هاتن، خێرهاتنا وان دکەم، پشکداربونا هەوە گرنگی دانە هەوە د سەلمینیت بۆ دیالۆکێ، وەکۆ پاڵنەرەک بۆ تێگەهشتنێ، لسەر ئاستێ نافخۆیی و جیهانی.
هەڤالان: دڤێت بەرهەڤبین بۆ تێگەهشتنێ،کۆ هندەک ژ وان ئاریشێن کو لێرە گۆتۆبێژان ل دوور وان دهێە کرن مەترسینە بۆسەر مە هەمیان، بلندبونا لەزاتیا پلا گەرمێ ، لێکەفتێن زۆر مەترسیدار دێ هەبن لسەر دەڤەرا مە و جیهانیێ ژی، نەبوونا ئاسایشا خۆارنێ و کێم ئاڤی و کۆچا ب کۆم لەزتر دکەت، ئەڤە ژی ئاریشەک نینە پاش بێخین، ژبەرکۆ نوکە یا تێتە ڕوویدان، شەپۆلێن گەرمێ و لافاو زێدەتر بوون، نوکە ناچاربووینە بیرێن کویرتر لێ بدەین بۆ هندێ بگەهینە ئاڤێ، ب گورەی نویترین ئاماژەیان، پێشبینی یێن بلندبونا پلێن گەرمێ ل ڕۆژهەڵاتا ناڤەراست زۆر نزیکن ژ هندێ ب ڕاستی بهێنە ڕوودان، پێتڤیە کارێن باشتر بکەین بۆ ڕێگریکرن ل گەرما زێدەتر.
نوکە دەمێ هندێ نینە خۆ ژ بەرپرسیارەتیێ بدزین یان خۆ ل ئاریشان ب دوور بگرین، پێتڤیە د بیاڤێ بەرژەوەندییا گشتی کار بکەین، بەری هەمی تشتەکێ وەک وڵاتی، بەلێ ب ڕەهەندەکێ جیهانی، ل سەرەدەریکرن دگەڵ وان ئاڵنگاریێن ڕووبروویا مە هەمیان دبنەڤە، خۆبەستن ب ڤی هەستی، ل کیڤە دێ ژین، دەرئەنجامێن خراپ دێ هەبیت لسەر مە، کوردستان نەشێت بۆ نموونە ل دەرئەنجامێن گەرمبوونا کوەیتێ دورببیت، بەحرەین و بەسڕە، نەک تەنێ د رێکا دەریایێ بەڵکوو، ب چارەنڤیسەکێ هەڤبەشا کەشوهەواژی پێکڤە گرێداینە.
بەهایێن هەڤبەشێن مرۆڤی یێن مە داخاز ل مە دکەت، ڕووبروویا گەرمبوونا عەردی ببین، ب هەمان شێوازێ دیمەنێن شەڕ و بێکارییا دەهان سالێن بوری، نوکە ژی بەردەوام د بینین، ژبەرکۆ نابیت ڕێکێ بدەین دیمەنەکێ ل ڤی شێواز ببیتە تشتەکێ نورمال.
هەڤالان نوکە کۆ ئەمێل ڤێرە، داخاز ل هەوەدکەم، پێشوازیا وان کاران بکەن کۆ ئەم وەکی کوردستان پێشکەش دکەین، ل رێکا هەوەژی، داخاز ل هەمی جیهانێ دکەم ئەوان گاڤان بهاڤێن کۆ مە د وارێ ئابووری و پێکڤە ژیانا ئاشتیا پێکهاتەیان هاڤێتی، مە زور زێدەتر یا هەی نیشا جیهانێ بدەین، هەوە داخازدکەم بۆ کۆ دڤان گاڤاندا دگەل مە پشکداربن.
دگەل دەسپێکرنا ئەڤێ کۆربەندێ داخاز ل وەدکەم ل ڤێ هۆلێدا پێکڤە گوتوبێژەکا ژیرانە بکەین، هڤی خازم گوتوبێژێن مە ببنە پالنەرەک بۆ هزرەکا نوی و چارەسەریەکا کرداری.
جارەکا دی، ژ دل بخێرهاتنەکا گەرما ئێک ب ئێک دکەم بۆ کۆربەندێ ئاشتی و ئاسایشا رۆژهەڵاتا ناڤەراست
سوپاسیا وەدکەم
تُتاح هذه الصورة أيضا في: کوردی
