سه‌رۆكێ هه‌رێما كوردستانی پێشوازى ل ئێكه‌م كونسلێ گشتیێ قه‌ته‌رێ ل هه‌رێمێ كر
گاڤ
سه‌رۆكێ هه‌رێما كوردستانی ل گه‌ل ئێكه‌م كونسلێ گشتى یێ قه‌ته‌رێ ل هه‌ولێرێ كۆمبوو، ئاماده‌ییا خۆ بۆ زێده‌تر به‌ره‌ف پێشتربا په‌یوه‌ندیان ل گه‌ل قه‌ته‌رێ دوپاتكر.
ئه‌ڤرۆ ئێكشه‌مبێ 12-11-2023یێ سه‌رۆكێ هه‌رێما كوردستانی نێچیرڤان بارزانى، ل گه‌ل حسێن عه‌لى سالح ئه‌لفه‌زاله، ئێكه‌م كونسلێ گشتى یێ قه‌ته‌رێ ل هه‌رێما كوردستانی كۆمبوو، پشتى ڤه‌كرنا كونسلخانه‌یا گشتى یا قه‌ته‌رێ ل هه‌ولێرێ ده‌ستبكاربوویه.
د دیداره‌كێ دا سه‌رۆكێ هه‌رێما كوردستانێ زێده‌بارى پیرۆزباهیێ بۆ ده‌ستبكاربوونا وى، هه‌موو هاریكارى و پشته‌ڤانیا ئالیێن په‌یوه‌ندیدارێن هه‌رێما كوردستانی بۆ سه‌رخستنا ئه‌ركێن وى و ئاماده‌یا هه‌رێما كوردستانێ بۆ به‌ره‌ف پێشتربرنا په‌یوه‌ندیێن ل گه‌ل قه‌ته‌رێ دوپاتكر.
ژ ئالیێ خۆ ڤه كونسلێ گشتى یێ قه‌ته‌رێ سلاڤێن میرێ قه‌ته‌رێ گه‌هاندنه سه‌رۆكێ هه‌رێما كوردستانێ و خۆشحالیا خۆ ب ڤه‌كرنا كونسلخانه‌یا وه‌لاتێ خۆ ل هه‌رێما كوردستانێ ده‌ربڕى و هه‌روه‌سا دوپاتكر، دێ هه‌موو بزاڤان بۆ وێ یه‌كێ كه‌ن په‌یوه‌ندیێن وه‌لاتێ وى ل گه‌ل هه‌رێما كوردستانێ ب تایبه‌ت د وارێ ئابۆرى دا به‌ره‌ف پێش ببه‌ت.
دوماهى پێشهاتێن ره‌وشا ناوچێ ب گشتى و هنده‌ك پرسێن دى یێن گرێدایى هه‌ر دو ئالیان ته‌وه‌رێن ى یێن دیدارا هه‌ر دو ئالیان بوون.
تُتاح هذه الصورة أيضا في: کوردی
