وەزارەتا چاندنێ بۆ جۆتیاران: گەنمێ خۆ بچینن و ئەگەر بەغدا ژ هەوە نەوەرگرت ئەم دێ وەرگرین
گاڤ
وەزارەتا چاندنێ دبێژیته جۆتیاران، گەنمێ خۆ بچینن و ئەگەر بەغدا ژ هەوە نەوەرگرت ئەم دێ وەرگرین .
دکتۆرە زێدە محەمەد، رێڤەبەرا گشتی یا پلاندانانێ ل وەزارەتا چاندنێ و ژێدەرێن ئاڤێ یا حکومەتا هەرێما کوردستانێ بۆ گاڤ راگەهاند، هەموو ئامادەکاری هاتینە کرن بۆ وێ چەندێ وەرزێ بهێت یێ گەهشتنا گەنمێ جۆتیاران چ ئارێشە چێنەبن و گەنمێ وان بهێتە وەرگرتن .
هه‌روه‌سا گۆت: ئەو داخوازێ ژ جۆتیاران دکەن گەنمێن خۆ بێ دو دلی بچینن و د دەمێ ببازارکرنێ ژی دا ئەو دێ هەماهەنگیێ ل گەل بەغدا کەن بۆ وەرگرتنا گەنمێ جۆتیارێن هەرێمێ و ئەگەر بەغدا وەرنەگرت ژی ئەم وەکو حکومەتا هەرێمێ و بهەماهەنگی ل گەل کەرتێ تایبەت دێ گەنمێ جۆتیاران وەرگرین .
هەڤدەم ئەحمەد جەمیل رێڤەبەرێ گشتی یێ چاندنێ ل پارێزگەها دهۆکێ ژی بۆ گاڤ راگەهاند، پار 900 هزار تەنێن گەنمی ل دهۆکێ هاتبوونە چاندن و ئەڤ سالە ژی پێشبینی دهێتە کرن ئەو رێژەیە یان هندەکێ زێده‌تر بیت.
تُتاح هذه الصورة أيضا في: کوردی
