سەرۆک نێچیرڤان بارزانی: پێدڤیە هێزێن هەڤپەیمانان و هنارتییێن بیانی ل ئیراقێ دپاراستی بن
گاڤ
سەرۆک نێچیرڤان بارزانی ئەڤرۆ پێشوازی ل بالیۆزا ئەمریکا ل ئیراقێ کر و هەردو ئالیان بەحسا رەوشا سیاسی و ئاساییشا ئیراقێ و هەرێما کوردستانێ کر.
ئەڤرۆ رۆژا چارشەمبی 1-11-2023یێ نێچیرڤان بارزانی، سەرۆکێ هەرێما کوردستانێ پێشوازی ل ئالینا رۆمانۆوسکی، بالیۆزا ئەمریکا ل ئیراقێ کر و هەردو ئالیان د کۆمبوونەکێ دا بەحسا رەوشا سیاسی و ئاساییشا ئیراقێ و هەرێما کوردستانێ کر و دهەڤڕابوون کو پێدڤیە هاریکاری و هەڤپشکی یا بەردەوام بیت و پێگیری ب رێککەفتنا ستراتیژی یا ئەمریکی – ئیراقی بهێتە کرن و هەروەسا هێزێن هەڤپەیمانان و هنارتیێن دپلۆماسی یێن بیانی ل سەرتاسەری ئیراقێ دپاراستی بن.
ل گۆرەی سەرۆکاتیا هەرێما کوردستانێ، د کۆمبوونێ دا کونسولێ گشتی یێ ئەمریکا ل هەرێما کوردستانێ ژی یێ ئامادەبوو و بەحسا رەوشا ناڤخۆ یا هەرێما کوردستانێ ژی هاتەکرن.
دوپاتیکرن ل گرنگیا پاراستنا دپلۆماتکار و هێزێن هەڤپەیمانان ل ئیراقێ د دەمەکی دایە کو ژ حەفتی ئوکتۆبەرا ئەڤسالە و ل گەل دەستپێکرنا شەڕێ ئسرائیل و حەماسێ، هێزێن هەڤپەیمانان ل ئیراقێ چەندین جاران کەفتینە بەر هێرشێن گرۆپێن چەکدار یێن نێزیکی ئیرانێ.
تُتاح هذه الصورة أيضا في: کوردی
