شوبات 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

د. خه‌لیل غازی دۆسكی: دێ راپۆرته‌كێ ده‌ربارەیی ئاریشێن دارایی یێن دناڤبه‌را ھەرێمێ و بەغدا ده‌ینه‌ سەرۆکاتییا پەرلەمانێ عیراقێ

د. خه‌لیل غازی دۆسكی: دێ راپۆرته‌كێ ده‌ربارەیی ئاریشێن دارایی یێن دناڤبه‌را ھەرێمێ و بەغدا ده‌ینه‌ سەرۆکاتییا پەرلەمانێ عیراقێ
ئاژانسا خانی:
ئه‌ندامه‌كێ لژنا دارایی ل په‌رله‌مانێ عیراقێ دیار كر: هێشتا یا دیار نینه‌” كانێ كه‌نگی دێ هه‌ردو وه‌زیرێن دارایی یێن هه‌رێمێ و عیراقێ سه‌ه‌ردانا په‌رله‌مانێ عیراقێ كه‌ن؟” داكو ل گه‌ل لژنا دارایی یا په‌رله‌مانێ عیراقێ ده‌ربارەیی ئاریشێن دناڤبه‌را هه‌ردو ئالییان دا به‌حس بكه‌ن، هه‌روه‌سا ئه‌م دێ راپۆرته‌كێ ده‌ربارەیی ئاریشێن دناڤبه‌را ھەردو ئالییان دا ده‌ینه‌ سەرۆکاتییا پەرلەمانێ عیراقێ” داكو هایداری هه‌موو هووركارییان بن.
د.خەلیل غازی دۆسکی، زێده‌تر بۆ ئاژانسا خانی گۆت: به‌ری نوكه‌ پەرلەمانێ عیراقێ داخوازنامه‌ بۆ ھەردو وەزیرێن دارایی یێ حکومەتا ھەرێمێ و حکومەتا عیراقێ هنارتییه‌ داكو بهێنه كۆمبوونا‌ بۆ پەرلەمانی، د وێ کۆمبوونێ دا وەزیرێ دارایی یێ ھەرێمێ دێ هوورکارییان ئێخیته‌ به‌رچاڤ بۆ لژنا دارایی یا په‌رله‌مانی داكو بزانن ئاریشه‌ و ئاستەنگ چنه‌ و بۆچی ناهێنه‌ چارەسەر کرن.
ناڤهاتی گۆت ژی: وەزیرێ دارایی دێ ھەموو هووركارییێن داھاتێ نەفتی و نه‌ نەفتی یێن ھەرێما کوردستانێ دیار كه‌ت، ھەروەسا دێ خەرجییێن سەر ھەرێما کوردستانێ ئاشکرا كه‌ت و دێ به‌حسێ ھەموو ئاریشان كه‌ت یێن كو هه‌ین، داكو بۆ وان باش دیار بیت كا ئاریشه‌ چییه‌ و داھات و خەرجییێن حکومەتا ھەرێمێ چنە.” هه‌روه‌سا به‌ری نوكه‌ لژنا دارایی هاتییه‌ راسپاردن بۆ هندێ هوورکارییێن ئاریشێن دناڤبه‌را ھەردو حکومەتان ده‌ربارەیی داھاتی و خەجی و بودجەیی بزانن” د هه‌مان ده‌مدا دێ راپۆرته‌كێ ل دۆر هه‌موو ئاریشێن دارایه‌ ده‌ینه‌ سه‌رۆكاتییا په‌رله‌مانێ عیراقێ.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi