كۆمسیۆن: سه‌رجه‌م ئاماده‌كارى بۆ هه‌لبژاراتنێن هه‌رێمێ تمام بووینه
گاڤ
كۆمسیۆنا بلند یا هه‌لبژارتنێن ئیراقێ راگه‌هاند، سه‌رجه‌م ئاماده‌كارى بۆ ئه‌نجامدانا هه‌لبژارتنێن هه‌رێما كوردستانێ تمام بووینه.
بڕیاره ل 25 ى شواتا سالا بهێت هه‌لبژارتنێن په‌ڕله‌مانێ كوردستانێ بهێنه كرن و كۆمسیۆنا هه‌لبژارتنێن ئیراقێ دێ ب ئه‌نجامدان و برێڤه‌برنا پرۆسه‌یێ رابیت.
په‌یڤدارێ كومسیۆنا بلند یا هه‌لبژارتنێن ئیراقێ عیماد جه‌میل، د داخۆیانیه‌كێ دا رگه‌هاند، كومسیۆنا بلند ب رێكا دیاركرنا خشته‌یێ پرۆسه‌یا ئه‌نجامدانا هه‌لبژارتنان ل هه‌رێما كوردستانێ، ئاماده‌كاریێن پرۆسه‌یێ تمام كرینه و دێ راگه‌هاندنه‌ك ژى ل دۆر خشته‌ی هه‌بیت.
دیاركر ژى، مژارا وان یا سه‌ره‌كى نویكرنا تۆمارا ده‌نگه‌رێن هه‌رێمێ بوو كو رێژه‌یا نویكرنێ زێده‌بوویه، ب ره‌نگه‌كى ژ لایێ تمامكرنێ ڤه، پارێزگه‌ها هه‌ولێرێ ل رێزا ئێكێ، سلێمانى ل رێزا دووێ و دهۆك ل رێزا سێیێ دهێت.
په‌یڤدارێ كۆمسیۆنا هه‌لبژارتنێن ئیراقێ گۆت ژى، د ناڤبه‌را وان و حكومه‌تا هه‌رێمێ دا رێككه‌فتن هاتیه كرن هه‌لبژارتنێن په‌ڕله‌مانێ كوردستانێ ل ژڤانێ خۆ یێ ده‌ستنیشانكرى ل 25 شواتا 2024ێ بهێنه كرن.
تُتاح هذه الصورة أيضا في: کوردی
