شوبات 23, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بلندترین رێژا توماركرنا بایومه‌ترى ل سه‌ر ئاستێ عیراقێ، ل پارێزگه‌ها دهۆكێ یە

بلندترین رێژا توماركرنا بایومه‌ترى ل سه‌ر ئاستێ عیراقێ، ل پارێزگه‌ها دهۆكێ یە
دھۆک-KDP.info-

رێڤه‌به‌رێ ئوفیسا دهۆك یا هه‌لبژارتنان دیاركرییه‌ كو بلندترین رێژا توماركرنا بایومه‌ترى ل سه‌ر ئاستێ عیراقێ ل پارێزگه‌ها دهۆكێ هاتییه‌ ئه‌نجامدان. ل پارێزگه‌ها دهۆكێ ب گشتى زێده‌تر ژ81% ژهاولاتییان خۆ توماركرییه‌, و ژكوما 887 هزار و 110 هاولاتییان كو مافێ توماركرنێ و ده‌نگدانێ هه‌بوویه‌, 750 هزار هاولاتییان خۆ توماركرییه‌.

ماوێ نێزیك دوو هه‌یڤانه‌ و كومسیونا هه‌رێما كوردستانێ ده‌ست ب قوناغێن ئاماده‌كارنێ ژبۆ هه‌لبژارتنێن په‌رله‌مانێ كوردستانێ كرییه‌, و هه‌تا نوكه‌ ل هه‌رێما كوردستانێ گرنكترین قوناغ هاته‌ ئه‌نجامدان ئه‌وژى توماركرنا بایومه‌ترى, كو ل رۆژا 13ى هه‌یڤا 7 ده‌رگه‌هێ توماركرنێ ژبۆ هاولاتییان هاته‌ ڤه‌كرن و هه‌تا رۆژا 20ى هه‌یڤا 9 به‌رده‌وام بوویه‌,

ئه‌ڤرۆ سپێدێ ل پارێزگه‌ها دهۆكێ ئوفیسا دهۆك یا هه‌لبژارتنان كونگره‌ك رۆژنامه‌ڤانى ل باره‌گایێ ئوفیسێ ل دور دویماهیك ئامارێن توماركرنا بایومه‌ترى و دابه‌شكرنا كارتا ده‌نگدانێ و به‌رهه‌ڤیێن هه‌لبژارتنان ئه‌نجامدایه‌, و تێدا خالد عه‌باس رێڤه‌به‌رێ ئوفیسا دهۆك یا هه‌لبژارتنان دیاركرییه‌ كو بلندترین رێژا توماركرنا بایومه‌ترى ل سه‌ر ئاستێ عیراقێ, ل پارێزگه‌ها دهۆكێ هاتییه‌ ئه‌نجامدان, و ب رایا وان ئه‌ڤ چه‌نده‌ ده‌ربرینێ ژخه‌مخوریا هاولاتییێ دهۆكێ دكه‌ت و گرنگییا پشكدارییا وى دئه‌رگێ وى یێ نیشتیمانى دا.

پشتى ب دویماهیك ئینانا قوناغا بایومه‌ترى دهه‌یڤا 10 دا ژئه‌ڤ ساڵه‌ قۆناغه‌كا دى یا ئاماده‌كارییان دێ ده‌سپێ كه‌ت, ئه‌و ژى ڤه‌كرنا ده‌رگه‌هێ به‌ربژێربوونا ئه‌ندامێن په‌رله‌مانى یه‌, بو وان كه‌سێن دڤێن خۆ به‌ربژێر بكه‌ن,

و ژبۆ وان فه‌رمانبه‌رێن ل سه‌ر ویستگه‌هان كار دكه‌ن, دێ لینكه‌ك تایبه‌ت ژبۆ توماركرنێ هێته‌ ڤه‌كرن كو هه‌ر قۆتابیه‌ك یان ده‌رچویه‌ك بڤێت كار ژبۆ هه‌لبژارتنان بكه‌ت، سه‌باره‌ت ب ئامیرێن ده‌نگدانێ ژى, هه‌مان ئامیرێن هه‌لبژارتنێن ساڵا 2021ێ دێ هێنه‌ ب كارئینان, لێ ل هه‌مى ویستگه‌هێن هه‌لبژارتنان ل سه‌رانسه‌ر عیراق و هه‌رێما كوردستانێ كامیره‌یێن چاڤدێریێ دێ هێنه‌ دانان, هه‌روه‌سا بنگه‌هه‌ك تایبه‌ت یێ ڤاڤارتنا ده‌نگان هاتیه‌ ڤه‌كرن كو هه‌ر سكالایه‌ك ل سه‌ر هه‌ر ویستگه‌هه‌كێ هه‌بیت ئه‌و سندوق دێ بۆ بنگه‌هى هێته‌ ره‌وانه‌كرن ژبۆ به‌راوردیێ, دیسان پشتى ب دویماهیك ئینانا پرۆسه‌یا هه‌لبژارتنان ل هه‌مى ویستگه‌هان دێ به‌روردیا ئه‌نجامێن توماركرنا ده‌ستى یێن لاپه‌رى دگه‌ل ئه‌نجامێن توماركرنا ئامیرێن ئه‌لكترونى هێته‌ كرن.

ل پارێزگه‌ها دهۆكێ ب گشتى زێده‌تر ژ81% ژهاولاتییان خۆ توماركرییه‌, و ژكوما 887 هزار و 110 هاولاتییان كو مافێ توماركرنێ و ده‌نگدانێ هه‌بوویه‌, 750 هزار هاولاتییان خۆ توماركرییه‌ و نێزیك 120 هزار هاولاتییان ژوان گه‌نجن و ژدایكبویێن سالێن 2004 و 2005ن, و ب رێژا 97% ژى ئه‌وان هاولاتییان كارتێن خۆ وه‌رگرتینه‌.

راگه‌هاندنا كومسیونێ دبێژیت كو پشتى ڤێ قوناغا توماركرنێ دێ هه‌وه‌یه‌ك هشیاركرنێ بۆ وان هاولاتییان هێته‌ ئه‌نجامدان ئه‌وێن كارتێن خۆ وه‌رنه‌گرتین كو بزاڤا وه‌رگرتنا كارتێن خۆ و چوون بۆ سه‌ر سندوقان بكه‌ن, و پێشبینى دهێته‌ كرن ئه‌و كارت هه‌تا هه‌یڤا 11ى ئه‌ڤ ساڵه‌ كو ل وه‌ڵاتێ ئیسپانیا دهێنه‌ چاپكرن بگه‌هن ده‌ستێ هاولاتییان.

ل خوارێ ژى ئامارێن قه‌زایێن پارێزگه‌ها دهۆكێ نه‌ ژبۆ توماركرنا بایومه‌ترى:

قه‌زا دهۆك, 273 هزار و 15 ده‌نگده‌ر هاتینه‌ توماركرن, و رێژا توماركرنێ 81%.

ئیدارا زاخۆ, 196 هزار و 145 ده‌نگده‌ر هاتینه‌ توماركرن, و رێژا توماركرنێ 79%.

قه‌زا ئامێدى, 78 هزار و 967 ده‌نگده‌ر هاتینه‌ توماركرن, و رێژا توماركرنێ 88%.

قه‌زا سێمێل 80 هزار و 347 ده‌نگده‌ر هاتینه‌ توماركرن, و رێژا توماركرنێ 72%.

قه‌زا شێخان 59 هزار و 778 ده‌نگده‌ر هاتینه‌ توماركرن, و رێژا توماركرنێ 75%.

قه‌زا ئاكرێ 120 هزار و 660 ده‌نگده‌ر هاتینه‌ توماركرن, و رێژا توماركرنێ 88%.

قه‌زا به‌رده‌ره‌ش 78 هزار 198 ده‌نگده‌ر هاتینه‌ توماركرن, و رێژا توماركرنێ 85%.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi