شوبات 22, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سه‌رۆك نێچیرڤان بارزانى: ب ئێكرێزى پاشه‌رۆژ بۆ گه‌لێ كوردستانێ گه‌شتره

سه‌رۆك نێچیرڤان بارزانى: ب ئێكرێزى پاشه‌رۆژ بۆ گه‌لێ كوردستانێ گه‌شتره
‌گاڤ

سه‌رۆك نێچیرڤان بارزانى، سه‌رۆكێ هه‌رێما كوردستانێ د یادا 62 سالیا شۆڕشا ئیلۆنێ دا راگه‌هاند، ئێكرێزى تاكه‌ رێكا ده‌ربازبوونا ئاسته‌نگ و مه‌ترسى و سه‌ختیانه‌ و پاراستنا فیدرالیه‌ت، ماف و ده‌ستكه‌فتێن ده‌ستوورى یێن هه‌رێما كوردستانێ یه‌ و ئینانا پاشه‌رۆژه‌كا گه‌شتره‌ بۆ گه‌لێ كوردستانێ.

سه‌رۆكێ هه‌رێما كوردستانێ نێچیرڤان بارزانى، د په‌یامه‌كێ دا ب هه‌لكه‌فتا 62 سالیا شۆڕشا مه‌زنا ئیلۆنێ سلاڤ ل گیانی پاقژێرێ رابه‌رێ شۆڕشێ بارزانیێ نه‌مر و هه‌موو خه‌باتكار و پێشمه‌رگه‌یێن قاره‌مان هنارتن كو ژ بۆ ئازادیا گه‌ل و وه‌لاتى گیانێ خۆ به‌خشى و ب رێكێن سه‌خت و دژوارێن شۆڕشێ ماندیبوونه‌كا مه‌زن دیتن ب رێز و حورمه‌ت ڤه‌ وان ل بیردئینین.

سه‌رۆكێ هه‌رێما كوردستانێ راگه‌هاند، شۆڕشا مه‌زنا ئیلۆنێ دایكا شۆڕشێن كوردستانێ یه‌ كو بوویه‌ هه‌لگرا به‌هایێن بلندێن گه‌له‌كێ سته‌ملێكرى و تێهنیێ ئازادی و سه‌رفه‌رازیێ، بوویه‌ كۆمكه‌ر و ناسنامه‌یا نه‌ته‌وه‌یى و نشتیمانى و كلتۆریێ هه‌موو پێكهاتێن گه‌لێ كوردستانێ، بوو هیڤی و ئۆمێده‌كا مه‌زن، ئاگه‌هى و هه‌ست و هشیاریا نه‌ته‌وه‌یى و نشتیانى زیندى كریه‌، بوویه‌ دۆز و داخوازا مافێن ره‌وایێن گه‌له‌كى كو ب ئێكرێزى و ته‌بایێ ئاماده‌یى هه‌موو قوربانیدانه‌كێ بوون كو ب گه‌هیته‌ سه‌ركه‌فتن و ئارمانجێن خۆ یێن بلند و ره‌وایه‌تى و ده‌نگێ خۆ ب هه‌موو جیهانێ گه‌هاند.

سه‌رۆك نێچیرڤان بارزانى دبێژت: گه‌لێ كوردستانێ د شۆڕشا مه‌زنا ئیلۆنێ دا ب باوه‌رى و به‌رهنگاربوون و گیانفیدایێ و خوین و قوربانیدانێ ئێك ژ سه‌رسه‌ختترین رژێمێن خویناوى ل ناوچێ شكاند و نه‌چار كر دان ب مافێن وان بینیت، زێده‌بارى هاریكاریا نه‌یاران ل دژى شۆڕش و نسكۆیێ، مه‌شخه‌لێ شۆڕشێ چ جاران نه‌ڤه‌مرى و ده‌ستكه‌فتێن شۆڕشێ ژى بوونه‌ بناغه‌یێ هه‌موو ده‌ستكه‌فت و مافێن ده‌ستوورى یێن یێن پاشتر بۆ گه‌لێ كوردستانێ.

سه‌رۆكێ هه‌رێما كوردستانێ دیار دكه‌ت وه‌ك چاوا ئێكرێزى و ته‌بایى، هێز و بنه‌مایێ شۆڕشا ئیلۆنێ بوون، دڤێ یادێ دا دوپاتیێ ل ئێكرێزى، ته‌بایى، ئێكدوقه‌بوولكرن و هه‌ڤكاریا ناڤبه‌را ته‌ماما هێز و ئالی و پێكهاتێن گه‌لێ كوردستانی دكه‌ین، ئیكرێزى تاكه‌ ریكه‌ بۆ ده‌ربازبوون ژ ئاسته‌نگ، مه‌ترسى و سه‌ختیان و پاراستنا فیدرالیه‌ت و ماف و ده‌ستكه‌فتێن ده‌ستوورى یێن هه‌رێما كوردستانێ و ئینانا پاشه‌رۆژه‌كا گه‌شتره‌ بۆ گه‌لێ كوردستانێ.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi