شوبات 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

پارتى بۆ به‌حسكرنا هنارتنا بودجه‌یا هه‌رێمێ دێ ل گه‌ل هه‌ڤپه‌یمانیا برێڤه‌برنا ده‌وله‌تێ كۆمبیت

پارتى بۆ به‌حسكرنا هنارتنا بودجه‌یا هه‌رێمێ دێ ل گه‌ل هه‌ڤپه‌یمانیا برێڤه‌برنا ده‌وله‌تێ كۆمبیت
گاڤ

پارتى بۆ به‌حسكرنا هنارتنا بودجه‌یا هه‌رێما كوردستانێ و مووچه‌یێن فه‌رمانبه‌ران دێ ل گه‌ل هه‌ڤپه‌یمانیا برێڤه‌برنا ده‌وله‌تێ كۆمبیت.

شانده‌كێ پارتى ب سه‌رۆكاتیا د. فوئاد حسێن سوبه‌هى شه‌مبیێ ژ بۆ به‌حسكرنا هنارتنا شایسته‌یێن دارایى یێن هه‌رێمێ و مووچه‌یێن فه‌رمانبه‌ران دێ ل گه‌ل لایه‌نێن سیاسى یێن پێكهێنه‌ر بۆ حكومه‌تا ئیراقێ كو هه‌ڤپه‌یمانیا برێڤه‌برنا ده‌وله‌تێ یه‌ دێ كۆمبیت.

پشتى بڕیارا حكومه‌تا ئیراقێ ب ڤرێكرنا 500 ملیار دیناران ب قه‌ڕ بۆ هه‌رێمێ، دهێته‌ چاڤه‌رێكرن، شاندێ پارتى داخوازێ ژ هه‌ڤپه‌یمانیا برێڤه‌برنا ده‌وله‌تێ بكه‌ت كو سه‌رجه‌م شایسته‌یێن دارایى یێن هه‌رێمێ هه‌یڤانه‌ بهێنه‌ ڤرێكرن.

حكومه‌تا هه‌رێمێ ل چارشه‌مبیا بۆرى راگه‌هاند بوو كو شایسته‌یێن دارایى یێن هه‌رێمێ ترلیۆنه‌ك و 375 ملیار دینارن هه‌یڤانه‌.

بجهئینانا بڕگه‌یێن یاسایا بودجه‌یا ئیراقێ یا سالێن 2023، 2024 و 2025 و ب تایبه‌ت مادده‌یێن گرێداى هه‌رێما كوردستانێ دێ ژ ته‌وه‌رێن سه‌ره‌كى یێن كۆمبوونا سوبه‌هى بن.

مه‌سرور بارزانى سه‌رۆكێ حكومه‌تا هه‌رێمێ دوهى پێنجشه‌مبیێ وێنه‌یه‌ك ل سه‌ر تۆڕا X به‌لاڤكربوو و تێدا دیاربوو كو د هه‌ر سێ هه‌یڤێن تیرمه‌هـ و ته‌باخ و سێپته‌مبه‌رێ دا به‌غدا چ بڕه‌ پاره‌ بۆ هه‌رێمێ ره‌وانه‌ نه‌كرینه‌.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi