ئایار 31, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سه‌رۆكێ هه‌رێما كوردستانێ دووپاتییێ ل پاراستنا مافێن مرۆڤى و ئازادییێ دكه‌ت

سه‌رۆكێ هه‌رێما كوردستانێ دووپاتییێ ل پاراستنا مافێن مرۆڤى و ئازادییێ دكه‌ت
خانى نيوز:

نێچیرڤان بارزانى سه‌رۆكێ هه‌رێما كوردستانێ پێشوازى ل ڤۆلكه‌ر تۆرك كۆمسیارێ بلندێ نه‌ته‌وه‌یێن ئێكگرتى بۆ مافێن مرۆڤى و شاندێ دگه‌لدا كر.
دكۆمبوونێدا شاندێ مێڤان تیشك ئێخسته‌ سه‌ر ئارمانجێن سه‌ره‌دانا خوه‌ كو بۆ جارا ئێكێیه‌ دهێته‌ عیراقێ و هه‌رێما كوردستانێ، هه‌روه‌سا ره‌وشا مافێن مرۆڤى، ئازادی، زه‌مینه‌یا كارى و چالاكییێن رێكخراوێن كۆمه‌لگه‌ها مه‌ده‌نى، ئازادییا راگه‌هاندن و راده‌ربرینێ، كارێ رۆژنامه‌ڤانى ل عیراقێ و هه‌رێما كوردستانێ، ده‌رفه‌ت و ئاریشه‌ هاتنه‌ گوتوبێژكرن.
ل دۆر ڤێ چه‌ندێ كۆمسیارێ بلندێ نه‌ته‌وه‌یێن ئێكگرتى بۆ مافێن مرۆڤى زێده‌بارى به‌حسكرنا به‌رنامه‌ و ئارمانجێن سه‌ره‌دانا خوه‌، چه‌ند سه‌رنج و تێبینییه‌ك ده‌رباره‌ى هنده‌ك بوارێن ره‌وشا مافێن مرۆڤى و بابه‌تێ ئازادییێ و كارێ رێكخراوێن مه‌ده‌نى ل عیراقێ و هه‌رێما كوردستانێ دیاركرن.
ژلایێ خۆڤه‌ نێچیرڤان بارزانى زێده‌بارى هندێ كو سه‌ره‌دان ب گرنگ ل قه‌له‌مدا، پابه‌ندییا هه‌رێما كوردستانێ ب پاراستن و به‌ره‌ڤ پێشبرنا دیموكراسییێ و مافێن مرۆڤى و ئازادییێ و ئازادییا راده‌ربرینێ و یه‌كسانى و دادپه‌روه‌رییێ دووپاتكر.
داخواز ژى كر، دامه‌زراوه‌یێن نه‌ته‌وه‌یێن ئێكگرتى ب تایبه‌ت د وان بواراندا، وه‌كو هه‌ڤپشكه‌ك هاریكارییان پێشكێشى لایه‌نێن په‌یوه‌ندیدارێن عیراقێ و هه‌رێما كوردستانێ بكه‌ن، ب تایبه‌تى كو عیراق و هه‌رێما كوردستانێ پێدڤى ب هاریكارى و پشته‌ڤانییێ بۆ پێشڤه‌برنا وان بواران هه‌یه‌.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi