ئەردۆگانی ب فەرمی سەرۆک نێچیرڤان بارزانی بۆ رێورەسمێن سویندخوارنێ داخواز کرە تورکیا
گاڤ
سه‌رۆكێ هه‌رێما كوردستانێ ب فه‌رمى ژ بۆ پشكداریێ د رێوره‌سمێن سویندخوارنا ره‌جه‌ب ته‌یب ئه‌ردۆگان سه‌رۆككۆمارێ توركیا دا ژ بۆ ئه‌نقه‌ره هاته داخوازكرن.
سه‌رۆك نێچیرڤان بارزانى ئه‌ڤرۆ چارشه‌مبیێ په‌یوه‌ندیه‌كا ته‌له‌فۆنى ل گه‌ل ره‌جه‌ب ته‌یب ئه‌ردۆگان سه‌رۆككۆمارێ توركیا ئه‌نجامدا و تێدا ب هه‌لكه‌فتا هه‌لبژارتنا وى وه‌ك سه‌رۆككۆمارێ توركیا پیرۆزباهى لێكر.
د راگه‌هاندنه‌كا سه‌رۆكاتیا هه‌رێمێ دا هاتیه؛ سه‌رۆك نێچیرڤان بارزانى هیڤیا سه‌ركه‌فتنێ بۆ ئه‌ردۆگانى و گه‌ل و حكومه‌تا توركیا خواست و به‌رهه‌ڤى و حه‌زا هه‌رێما كوردستانێ بۆ پێشڤه‌برنا په‌یوه‌ندیان ل گه‌ل توركیا د هه‌مى بواران دا ده‌ربڕى.
ژ لایێ خۆڤه، سه‌رۆككۆمارێ توركیا سوپاسیا سه‌رۆكێ هه‌رێمێ ژ به‌ر په‌یوه‌ندیا وى یا ته‌له‌فۆنى كر و حه‌زا وه‌لاتێ خۆ بۆ پێشڤه‌برنا په‌یوه‌ندیان ل گه‌ل ئیراقێ و هه‌رێما كوردستانێ ده‌ربڕى.
سه‌رۆك نێچیرڤان بارزانى ب فه‌رمى بۆ رێوره‌سمێن سویندخوارنێ ل ئه‌نقه‌ره هاته داخوازكرن.
به‌حسكرنا چه‌ند پرسێن دى یێن جهێ گرنگیپێدانا هه‌ڤپشك ژ ته‌وه‌رێن دى یێن په‌یوه‌ندیا ته‌له‌فۆنى بوون.
تُتاح هذه الصورة أيضا في: کوردی
