ئه‌مريكا: رۆلێ سه‌رۆك نێچيرڤان بارزانى د چاره‌كرنا كێشه‌يێن هه‌ولێر و به‌غدایێ دا بلند دبینین
گاڤ
سه‌رۆكێ هه‌رێما كوردستانێ و باليۆزا ئه‌مريكا ل ئيراقێ كۆمبوون و باليۆزا ئه‌مريكا رۆلێ سه‌رۆكێ هه‌رێمێ د چاره‌سه‌ركرنا كێشه‌يێن هه‌ولێر و به‌غدا دا بلند نرخاند.
سه‌رۆك نێچيرڤان بارزانى ئه‌ڤرۆ شه‌مبيێ د چارچووڤه‌يێ سه‌ره‌دانا خۆ دا بۆ به‌غدا ل گه‌ل ئا‌لينا رۆمانوسكى باليۆزا ئه‌مريكا ل ئيراقێ كۆمبوو.
د راگه‌هاندنه‌كا سه‌رۆكاتيا هه‌رێمێ دا هاتيه؛ په‌يوه‌نديێن هه‌ولێر- به‌غدا، چاره‌سه‌ركرنا كێشه‌يێن دناڤبه‌را وان دا و دويماهيك پێشهاتێن ئيراقێ د كۆمبوونێ دا هاتنه به‌حسكرن و هه‌ردو لايان ته‌كه‌زى ل سه‌ر چاره‌سه‌ركرنا كێشه‌يێن هه‌ولێر- به‌غدا كرن.
باليۆزا ئه‌مريكا پشته‌ڤانيا ئه‌مريكا بۆ دانوستاندنێ و بزاڤێن چاره‌سه‌ركرنا كێشه‌يێن هه‌ولێر- به‌غدا كر و سوپاسيا رۆلێ سه‌رۆك نێچيرڤان بارزانى بۆ چاره‌سه‌ركرنا كێشه‌يێن هه‌ولێر- به‌غدا كر.
ره‌وشا ناڤخۆيى ل هه‌رێما كوردستانێ، گرنگيا ئێكرێزيا لايه‌نێن كوردستانى، رێكخستن و چاكسازيێن وه‌زاره‌تا پێشمه‌رگه‌ى، پێشڤه‌برنا په‌يوه‌نديێن ئيراقێ و هه‌رێما كوردستانێ ل گه‌ل ئه‌مريكا و به‌رفره‌هكرنا بوارێن هه‌ڤكاريا هه‌ڤپشك هه‌روه‌سا هنده‌ك پرسێن دى ژ ته‌وه‌رێن دى يێن كۆمبوونێ بوون.
تُتاح هذه الصورة أيضا في: کوردی
