حكومه‌تا ھەرێمێ دێ پڕۆژە قانوونا بودجەیی بەرھەڤکەت
ئاژانسا خانی ” تایبەت:
حكومه‌تا ھەرێما کوردستانێ چاڤەڕێی پەسەندکرنا پڕۆژە قانوونا بودجێ عێراقێ دکەت و ژێدەرەکێ ئاگەھدار ژی ئاشکرا کر، پشتی دیارکرنا پشکا ھەرێما کوردستانێ دێ پەرلەمانێ کوردستانێ ژی پڕۆژە قانوونا بودجەیی پەسەند کەت.
ژێدەرەکێ ئاگەھدار بۆ ئاژانسا خانی دیار کر” ھەرێما کوردستانێ چاڤەڕێی پەسەندکرنا پڕۆژە قانوونا عێراقێ دکەت ژلایێ پەرلەمانی ڤە و ئەگەر پشکا ھەرێما کوردستانێ بھێتە دیار کرن و ھەردو حوکمەت گەھشتنە رێکكەفتنێ ئەڤە حوکمەتا ھەرێما کوردستانێ دێ پڕۆژە قانوونا بودجەیی بەرھەڤکەت و رەوانەیی پەرلەمانی بەت ب مەرەما پەسەندکرنێ، چونکی ھەتا پشکا ھەرێمێ ل بەغدا نەھێتە دیارکرن پڕۆژە قانوونا بودجێ ھەرێما کوردستانێ ناھێتە بەرھەڤکرن.
وی ژێدەری گۆت ژی” پشتی سەره‌دانا مەسرور بارزانی سەرۆکێ حوکمەتا هه‌رێمێ بۆ بەغدا لێک تێگەھشتن ھەنە بۆ گەھشتنا رێکكەفتنێ، هه‌روه‌سا بڕیارە جارەکا دی شاندێ دانوستاندکارێ ھەرێما کوردستانێ سەرەدانا بەغدا بکەت ب مەرەما گەھشتنا رێکكەفتنێ و دیارکرنا پشکا ھەرێما کوردستانێ دناڤا بودجێ عێراقێ دا.
تُتاح هذه الصورة أيضا في: کوردی
