نیسان 20, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

نێچیرڤان بارزانی و کونسوڵی نوێی کۆریای باشوور کۆبوونەوە

نێچیرڤان بارزانی و کونسوڵی نوێی کۆریای باشوور کۆبوونەوە

K24 – هەولێر:

نێچيرڤان بارزانى، سەرۆکی هەرێمی کوردستان پێشوازى له‌ كونسوڵى نوێى كۆرياى باشوور كرد و لەو دیدارەدا، هه‌ردوولا جه‌ختيان له‌ بره‌ودان به‌ په‌يوه‌ندييه‌كان و فراوانكردنى كولتوورى و هه‌ماهه‌نگى و هاوكاريى به‌تايبه‌تى له‌ بوارى په‌روه‌رده‌يى و فێركردندا كرده‌وه.

بە گوێرەی راگەیەندراوێکی سەرۆکایەتی هەرێـمی کوردستان، پێشنيوه‌ڕۆى ئه‌مڕۆ يه‌كشه‌ممه‌ 25ـی ئەیلوولی 2022، نێچيرڤان بارزانى، سه‌رۆكى هه‌رێمى كوردستان پێشوازى له‌ چۆ كيجۆنك كونسوڵى گشتيى نوێى كۆرياى باشوور له‌ هه‌رێمى كوردستان كرد.

سەرکایەتی هەرێم راشیگەیاند، له‌ ديدارێكدا نێچيرڤان بارزانى وێڕاى به‌خێرهاتن و پيرۆزبايى بۆ ده‌ستبه‌كاربوون، هه‌موو پشتگيرييەکی بۆ سه‌رخستنى ئه‌ركەکە‌ى نيشان دا و سوپاس پێزانينى هه‌رێمى كوردستانى بۆ هاوكاريى مرۆيى و بنياتنانى توانسته‌كان و پشتگيريى كۆرياى باشوور دووپاتكرده‌وه كه‌ له‌ رێگه‌ى تيمى سه‌ربازيى زه‌يتوون و ئاژانسى كۆيكاى كۆرييه‌وه‌ پێشكه‌ش به‌ هه‌رێمى كوردستانيان كردووه‌‌.

لە راگەیەندراوەکەدا هاتووە، لاى خۆيه‌وه‌ كونسوڵى گشتيى كۆرياى باشوور دووپاتیكرده‌وه،‌ كه‌ په‌يوه‌ندييه‌كانى وڵاته‌كه‌ى له‌گه‌ڵ هه‌رێمى كوردستان په‌يوه‌نديى تايبه‌ته‌ و هيواى خواست بتوانن په‌يوه‌ندييه‌كان بۆ ئاستى به‌رزتر و فراوانتر ببه‌ن، هه‌روه‌ها پوخته‌يه‌كى ده‌رباره‌ى ئاماده‌يى و چالاكييه‌كانى وڵاته‌كه‌ى له هه‌رێمى كوردستان و هاندانى كه‌رتى تايبه‌تى كۆرى و ده‌رفه‌تى وه‌ربه‌هێنان بۆ كۆمپانيا كۆرييه‌كان له‌ هه‌رێمى كوردستان خستەڕوو.

هەر سەبارەت بەو دیدارە، سەرۆکایەتی هەرێمی کوردستان ئاشکرایکرد، کە هه‌ردوولا جه‌ختيان له‌ بره‌ودان به‌ په‌يوه‌ندييه‌كان و فراوانكردنى كولتوورى و هه‌ماهه‌نگى و هاوكاريى به‌تايبه‌تى له‌ بوارى په‌روه‌رده‌يى و فێركردندا كرده‌وه، هه‌روه‌ها دۆخى سياسيى عێراق و هه‌رێمى كوردستان تاووتوێ كرد.

س.س

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi