حوزه‌یران 12, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سه‌رۆكێ هه‌رێما کوردستانێ: سه‌ربه‌خۆیا دادوه‌رى بنه‌مایێ ده‌وله‌تداریێ یه‌

سه‌رۆكێ هه‌رێما کوردستانێ: سه‌ربه‌خۆیا دادوه‌رى بنه‌مایێ ده‌وله‌تداریێ یه‌

گاڤ نیوز

نێچیرڤان بارزانى، سه‌رۆكێ هه‌رێما كوردستانێ ل گه‌ل دادوه‌ر هنرى خوورى، وه‌زیرێ داد یێ لوبنانى كۆمبوو، هه‌ر دوئالی هه‌ڤڕابوون کو سه‌ربه‌خۆیا دادوه‌ریێ بنه‌مایێ ده‌وله‌تداریێ یه‌.

ئه‌ڤرۆ دوشه‌مبێ نێچیرڤان بارزانى، سه‌رۆكێ هه‌رێما كوردستانێ ل گه‌ل دادوه‌ر هنرى خوورى، وه‌زیرێ داد یێ لوبنانێ و شانده‌كێ ل گه‌ل دا كو پێكهاتبوون ژ سه‌رۆكێ جڤاتا دادوه‌ریا لوبنانێ و هاریكارێ ئه‌میندارێ گشتى یێ كۆمكارا ئه‌ره‌بى و هه‌ژماركا شیره‌تكاران كۆمبوو، سیسته‌م و ره‌وشا ده‌ستهه‌لاتا دادوه‌رى و دادگه‌هان و وه‌كهه‌ڤیا وان ل ئیراق و لوبنانێ هاتنه‌ به‌حسكرن.

هه‌روه‌سا هاریكاریا ناڤبه‌را ده‌ستهه‌لاتا دادوه‌ریا لوبنان و ئیراقێ و مفا وه‌رگرتن ژ ئه‌زمووونێن ئێك خستن به‌ر به‌حس و لێكۆلینان و دوپاتى ل سه‌ر گرنگیا سه‌ربه‌خۆیا ده‌ستهه‌لاتا دادوه‌رى هاته‌كرن و هه‌ر دو ئالى هه‌ڤڕا بوون كو سه‌ربه‌خۆیا دادوه‌رى بنه‌مایێ ده‌وله‌تداریێ یه‌.

ژ ئالیه‌كێ دى ڤه‌ پێشهاتێن ره‌وشا سیاسى و ئێمناهیا ئیراق و لوبنانێ ته‌وه‌ره‌كێ دى یێ دیدارێ بوو، د ڤى وارى دا شاندێ لوبنانى ده‌رباره‌ى بزاڤێن حكومه‌تا لوبنانێ بۆ ده‌ربازبوون ژ قه‌یرانا ئابۆرى یا وه‌لاتێ خۆ و قه‌یرانێن دى ئاخفت و به‌حس ل ده‌ستپێشخه‌ریا كۆمكارا ئه‌ره‌بى بۆ پشته‌ڤانیا ده‌ستهه‌لاتا دادوه‌ریا لوبنانێ كر.

نێچیرڤان بارزانى، ژ ئالیێ خۆڤه‌ سه‌ره‌دانا شاندى بۆ ئیراق و هه‌رێما كوردستانێ ب گرنگ ل قه‌له‌م دا و هیڤى خواست هاریكاریا ئیراق و هه‌رێما كوردستانێ ل گه‌ل لوبنانێ د وارێ دادوه‌ریێ دا بهێته‌ بهێزكرن و ئاماژه‌ ژى ب رۆلێ ره‌ڤه‌ندا لوبنانى ل هه‌رێما كوردستانێ دا ب تایبه‌ت ژى د وارێ ئاڤه‌دانكرن و خزمه‌تكاریێن بانكداریێ دا.

ره‌وشا ئاواره‌ و په‌نابه‌ران ل هه‌رێما كوردستان و لوبنانێ و هه‌ژماره‌كا پرسێن دى یێن هه‌ڤپشك ته‌وه‌رێن دى یێن كۆمبوونێ بوون.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi