شوبات 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مفا و گرنگیا شیرێ ده‌یكێ بۆ زارۆكى

مفا و گرنگیا شیرێ ده‌یكێ بۆ زارۆكى

تۆڕا لالش یا ڕاگه‌هاندنىِ /ئاواز دنایى

شیرێ ده‌یكێ ئه‌و شیره‌ كو ل دنیایێ هه‌موویێ وه‌كى وى شیرى نینه‌، و چ جۆرێ شیرى نكارن جیێ وى بگرن, شیردانا سروشتى ئێكه‌ ژوان رێیا كو زارۆك پێ ساخله‌م دبت و دێ یێ پاراستى بت ژ هه‌موو نه‌خۆشیان،هه‌روه‌سا بۆ ساخله‌میا ده‌یكێ ژى دێ یه‌ باش بت ده‌مێ شیرێ سینگێ خۆ دده‌ته‌ زارۆكێ خۆ, ئه‌ڤه‌ كه‌رامه‌تا خودێ یه‌ و فه‌رمانا وى یه‌.
ئه‌و شیرێ ل بازارى دئێته‌ فرۆتن كێمه‌ك تێنه‌بن ژ شیرێ گیانه‌وه‌رى دئێنه‌ چێكرن ب تایبه‌ت ژ شیرێ چێلێ, گه‌له‌ك كارگه‌ها هه‌ول داینه‌ ڤى شیرێ گیانه‌وه‌ران وه‌كى یێ ده‌یكێ لێبكن لێ نقارینه‌، ئه‌گه‌ر ئه‌م جیاوازیه‌كێ دناڤبه‌را شیرێ ده‌یكێ و یێ ده‌ستكرد دا بكه‌ین دێ بۆمه‌ دیار بت شیرێ ده‌یكێ ب تایبه‌تمه‌ندیا خۆ یێ جودایه‌ ژ شیرێ ده‌ستكرد و چه‌ندین ڤه‌كۆلین ل سه‌ر شیرێ ده‌ستكر هاتینه‌ كرن ئه‌نجام ژى وه‌كى تایبه‌تمه‌ندیا شیرێ ده‌یكێ لێنه‌هاتیه‌،هه‌روه‌سا شیرێ ده‌یكێ هنده‌ك ماده‌ دناڤ پێكهاتا وى دا هه‌ینه‌ كو به‌رگریێ ژ زارۆكى دكه‌ت و ئه‌و زارۆكێ شیرێ ده‌یكێ دخۆت گه‌له‌گ كێم تووشى دل رابوون و زكچۆنێ دبت, شیرێ ده‌یكێ بۆ ئاماده‌كرنێ گه‌له‌ك یێ ب ساناهى یه‌ ل هه‌رده‌مه‌كى و جیه‌كى،به‌روڤاژى شیرێ ده‌ستكرد ژ ئالیێ ئابوورى ڤه‌ جوداهیه‌كا مه‌زن دگه‌ل شیرێ ده‌یكى هه‌یه‌ شیرێ ده‌یكێ دێ زارۆك پێ ئێته‌ تێركرن بێ هیچ مه‌زاختیه‌ك و ژلایێ ده‌روونى ڤه‌ یێ ئارامه‌ و ڤیانا وى بۆ ده‌یكێ بتر لێدئێت.
ب ڤێ چه‌ندێ زه‌نگینى و ساخله‌میا شیرێ ده‌یكێ بۆمه‌ دیار دبت،ئه‌ڤجا ئه‌گه‌ر ده‌یك ب شیرێ خۆ زارۆكێ خۆ مه‌زن بكه‌ت دێ گه‌له‌ك خزمه‌تا زارۆكێ خۆكه‌ت.

س.س

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi