تۆرا لالش
گەلەك ئەگەر هەنە كو دبنە سەدەما بلندبوونا پلا گەرما موبایلێ، و ئەڤ چەندە دێ زیانێ گەهینتە موبایلان ژ بەر هندێ پێتڤیە رێك ل بلندبوونا پلا گەرمێ بهێتە گرتن.
رێكێن پاراستنا موبایلێ ژ گەرمبوونێ:
باشتر ئەوە چەند رێكەكان بهێنە گرتن دا موبایل گەرم نه‌بت ژوانژی:
- ساناهیترین رێك بۆ پاراستنا موبایلا تە ژ گەرمبوونێ ئەوە كو ل بەر تیرۆژێن رۆژێ نەهێتە دانان، چنكو هەتا پتر ل بەر تیرۆژا رۆژێ و گەرمێ بمینت، دێ پتر گەرم بت.
- زێدەكرنا رۆناهیا شاشێ فشارێ ددەتە پاتریێ و پتر گەرم دبت، لەوما پێدڤیە رۆناهیا شاشێ بهێتە كێمكرن.
- ژ بۆ كو موبایل گەلەك گەرم نەبت، باشتر ئەوە شاحنكەرەكا باش بهێتە بكارئینان یا كو دگەل موبایلێ بگونجیت، هەروەسا دڤێت تو پشتراست بی كو چ زیان نەگەهشتیە شاحنكەرێ یان دەرگەهێ شاحنكرنێ یێ موبایلێ، چنكو ئەڤ چەندە دێ بتە ئەگەرێ زێدەبوونا پلا گەرمێ.
- بكارئینانا گەلەك ئەپلیكەیشنان دبتە ئەگەرێ هندێ كو موبایل گەلەك كار بكەت، ئەڤ چەندە ژی دێ بتە سەدەما بلندبوونا پلا گەرمێ، لەوما پێتڤیە ئەو ئەپلیكەیشنێن ل پشت پەردێ كاردكەن بهێنە گرتن.
رێكێن ساركرنا موبایلێ ده‌مێ گه‌رم دبت، ژوانژی:
1 پێتڤیه با بگه‌هیته موبایلێ یان پف بكه‌یه دناڤدا، ئه‌ڤه دێ هاریكاریا ساركرنا وێ كه‌ت.
2 نابیت موبایل بهێته دانان دناڤ سه‌لاجێدا بۆ ساركرنێ، چونكی به‌ركه‌فتنا وێ ب گه‌رمی یان سارییه‌كا زێده دێ زیانێ گه‌هینیته پێكهاتێن وێ.
2 ئه‌گه‌ر موبایل گه‌له‌ك گه‌رم بوو، باشتره كه‌ڤه‌رێ وێ لاببه‌ی دا زووتر ساربت.
3 ئه‌گه‌ر بلوتوس یێ ڤه‌كری بت و نه‌گرێدای بت ب تشته‌كیڤه، به‌رده‌وام دێ گه‌رێت ل تشته‌كی بۆ گرێدانێ، ئه‌ڤه‌ژی دبته ئه‌گه‌رێ گه‌رمبوونا موبایلێ.
4 ئه‌گه‌ر سیگنالا موبایلێ لاواز بت یان نه‌بت، دێ بیته ئه‌گه‌رێ به‌رزبوونا پلا گه‌رمیێ.
تُتاح هذه الصورة أيضا في: کوردی
