تۆرا لالش
ئیرۆ ل رێكه‌فتی 17/4/2025ێ، ب هەلکەفتا جەژنا سەرێ سالێ یا ئێزدییان، شاندەکی مەکتەبا سیاسی یا پارتی دیموکراتی کوردستانا سوریا (په‌ده‌كه‌سه) سەرەدانا بنگه‌هێ لالش کر و ژ ئالیێ سه‌عید جردۆ سه‌رۆكێ بنگه‌هێ لالش و ئه‌ندامێن بنگه‌هێ لالش هاتنه پێشوازی كرن و شاندێ ناڤهاتی جەژنا ئێزدیان پیرۆزكرن.
شاندێ په‌ده‌كه‌سێ تەئکید و پشته‌ڤانیا خوه ل سەر گرنگییا پاراستنا کەلتوورێ ئێزدیان دانه دیاركرن، هه‌ردوو ئالیان تەکەزی ل سەر خورتکرنا پەیوەندیان و رەوشەنبیریا هەڤنشتیمانیبوونێ و یەکتر قەبوولکرنێ ل ناڤ هەموو پێکهاتێن کوردستانێ داکرن.
هه‌ر وه‌سان د ته‌وه‌ره‌كێ دن دا ره‌وشا سوریا و رۆژئاڤایا كوردستانێ ب گشتی و یا ئێزدیان ب تایبه‌تی به‌حسكرن و دیاركرن یەکبوون و هاریکاری گه‌له‌ك یا گرنگە بۆ پاراستنا کەلتور و ناسنامە و هه‌روه‌سان ئێزدیان.
بنگه‌هێ لالش و شاندێ ناڤهاتی پشتەڤانیا خوە ژبۆ هەموو مافێت رەوا یێن ئێزدیا ل کوردستانا رۆژئاڤا دوپاتکرن.
سه‌عید جردۆ سه‌رۆكێ بلندا بنگەهێ لالش ژی سوپاسییا خوە بۆ ڤێ سەرەدانێ دیار کر خۆشحالین شانده‌كێ ل ئاستێن بلند مینا مەکتەبا سیاسی یا پارتی دیموکراتی کوردستانا سوریا (په‌ده‌كه‌سه) سه‌ره‌دانا مه دكه‌ت و دووباره جه‌ژنا سه‌رێ سالا ئێزدیان ل هه‌موو ئێزدیان و گه‌لێ كوردستانێ پیرۆزبت.
تُتاح هذه الصورة أيضا في: کوردی
