وه‌زيرێ ئه‌وقافێ پێشوازى ل ميرێ ئێزديان كر
تۆڕا لالش:
ئيڕۆ ڕۆژا پێنچ شه‌مبوويێ 30/5/2024ێ،د.پشتيوان صادق وه‌زيرێ ئه‌وقاف و كاروبارێن ئاينى پێشوازى ل میرحازم تەحسین بەگ،میرێ ئێزديان ل كوردستان،عيراق و جيهانێ كر.
د ديدارێ دا و به‌رهه‌ڤبوونا به‌رێز سعود مستۆ ڕێڤه‌به‌رێ گشتيێ كاروبارێن ئێزديان،دانوستاندن ل سه‌ر ڕه‌وشا ده‌ڤه‌رێ ب گشتى هاته كرن.
وه‌زيرێ ئه‌وقافێ ته‌كه‌زى ل گرنگيا پێكڤه‌ژیانا ئاینی ل ھەرێما کوردستانێ وژين و ژيانا ئێزديان و بەردەواميا پێشکێشکرنا خزمەتگۆزاریێن حکومەتا هه‌رێمێ کوردستان و پێشڤه‌برنا گیانێ تەبایی و ئاشتی ل ناڤبه‌را ھەموو پێکھاتێن ئاینی ل کوردستانێ کر.
د.پشتيوان صادق دياركر؛ل سەر ڕاسپاردەيێن سەرۆکێ حکومەتا ھەرێما کوردستانێ،ڕێڤه‌به‌ريا گشتی يا کاروبارێن ئێزدیان هاتيه ڕاسپاردن بۆ ئامادەکرنا پلان وپرۆژەيێن پێدڤى بۆ کاروبارێن ئاینی يێن ئێزديان.
تُتاح هذه الصورة أيضا في: کوردی
