حوزه‌یران 16, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

پەیاما بنگه‌هێ لالش ب هەلكەفتا 48 سالیا سه‌رهلدانا شۆرەشا ٢٦ی گۆلانێ

پەیاما بنگه‌هێ لالش ب هەلكەفتا 48 سالیا سه‌رهلدانا شۆرەشا ٢٦ی گۆلانێ
ب هەلكەفتا دەربازبوونا ٤٨ساڵان ب سەر هەلكرنا ئاگرێ شۆرەشا (٢٦)ی گوڵانا پێشكەفتنخواز،پیرۆزباهیێ ل سەرۆك بارزانی و مالباتێن سەربلندێن شەهیدان و سەرجەم شەهیدێن ڕێيا ئازادیێ و سەرکاروانێ شەهیدا بارزانیێ نەمر وکاک ئیدریسێ هەردەم ساخ و پێشمەرگە و تێكۆشەرێن پشكداری شۆرەشێ بووین و گەلێ كوردستانێ دكه‌ين.

شۆرەشا گوڵانا پێشکه‌فتنخواز ل دەمەکی دەستپێکر کو ڕژێما دیکتاتۆر یا گۆربەگۆر د هەولێن و بزاڤێن تەعریبکرن و داگیرکرنا خاکێ کوردستانێ دە کار دکر و سۆتن و وێرانکرنا تەڤایا گوند و باژێرکێن کوردستانێ کربوو ئارمانجا خۆ یا سەرەکی پێخەمەت نەهێلان و بنبرکرنا ڕەهوڕیشالێن گەلێ کورد، لێ پیلان و کریارێن وان یێن هۆڤانە سەرنەگرتن و هیچ بێ ئۆمێدییەک دناخێ خەلکێ کوردستانێ دە پەیدانەکر و هەر زوو سەرکردایەتیا مە ب ڕێبەراتیا بابێ رۆحی یێ نەتەوا گەلێ کورد بارزانیێ نەمر خەونێن دوژمنی پووچەلکرن و هیڤی و ئۆمێدێن مەزن د دلێ مللەتی دە چاندن و باوەریەکا نوو د هەستێ گەلێ کورد دا ئاڤاکرنە ڤە و بەرخۆدانێ دیسان دەستپێکر، ئەو بوو کو ل ڕۆژا ٢٦ی گۆلانا سالا ١٩٧٦ چریسکا ئێکێ یا شۆرەشا گۆلانێ دەستپێکر و بوو درێژەپێدان ژبۆ شۆرەشا ئیلونا مەزن.
شۆرەشا گولانا پێشکەفتنخواز یا کو ئۆمێدا ئازادیی و سەرفەرازیێ و زامنێ بدەستڤەئینانا مافێ گەلێ کورد و تەمامکەرا شۆرەشا ئیلۆنا مەزن و بەردەوامیدان ب خەبات و تێکۆشانێ نەخاسمە ل پشتی نسکۆیا ساڵا ١٩٧٥ و بداوی هاتنا شۆرەشا گەلێ کورد ئیلۆنا مەزن، سەلماند كو خواست و ئیرادەیا گەلێ كوردستانێ ژ هەموو پیڵانەكێ بهێزترە و ئەڤ ئەزموونا نهـۆ یا هـەرێما كوردستانێ ژی بەرێ رەنج و قوربانی دان و فیداكاریا شۆرەشا ئیلون و گۆڵانێ یە.
ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى/دهۆك
26ى گۆلانا 2024ێ

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi