ئایار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سعود مستۆ: بنگەهێ لالش ڕۆله‌كێ مه‌زن هه‌بوویه‌ بۆ دانه‌نیاسینا ڕاستیا ئاینێ ئێزدیان

سعود مستۆ: بنگەهێ لالش ڕۆله‌كێ مه‌زن هه‌بوویه‌ بۆ دانه‌نیاسینا ڕاستیا ئاینێ ئێزدیان

باسنيوز:

ڕێڤەبەرێ گشتیێ کاروبارێن ئێزدیان دیارکر، ب هەلکەفتا بورینا(31) سالان ب سەر دامەزراندنا بنگەهێ لالش یێ ڕەوشەنبیری و جڤاکی ل ژێر دروشمێ (لالش کانیەکا زەلالە دهورتە د ڕووبارێ ڕەوشەنبیریا کوردی دا) ل باژێرێ دهۆکا داسنیا، بناڤێ ڕێڤه‌به‌ريا گشتى يا كاروبارێن ئێزديان گه‌رمترين پيرۆزباهيان ئاڕاسته‌ى دامه‌زرێنه‌ر و ڕه‌وشه‌نبير و ئه‌ندام و لايه‌نگه‌ر و خه‌مخۆر و دلسۆزێن ئێزديان دكه‌ين.

سعود مستۆ نەجم، رێڤەبەرێ گشتیێ کاروبارێن ئێزدیان، ئاشکرا کر دامەزراندنا ڤی بنگەهی پێتڤى و وەرچەرخانەکا دیرۆکی یا گرنگ بوو ژبۆ جڤاکا کوردێن ئێزدی ل کوردستانێ و سەرانسەرێ جیهانێ و هەروەسا پێنگاڤەکا پێشکەفتی و سەردەمی بوو کو ل دەمەکێ گونجایی و دگەل چریسکا ئازادیا کوردستانێ دەست ب کار بوویی و ڕەوشەنبیریا وەلاتێ مە پێ زەلال و گەش بووی، ڤى بنگه‌هى هه‌ر ژ ده‌ستپێكا دامه‌زراندنا خۆ ل ڕۆژا(12/5/1993)ێ ل ژێر درووشمه‌كێ پيرۆز كار و بزاڤێن خۆ به‌رده‌وام كرن، خەباتا وان یا سالێن بووری ئه‌ڤ چه‌نده‌ سه‌لماند كو ڤی بنگه‌هی ب شێوه‌كێ كارا كار كریه‌ و كلتۆر و كەڤناریا ئێزدیان پاراستیە، هه‌روەسا ڕۆله‌كێ مه‌زن هه‌بوویه‌ بۆ دانه‌نیاسینا ڕاستیا ئاینێ ئێزدیان بۆ جیهانێ و ده‌وروبه‌ران و خزمەتەكا بەرچاڤ پێشكێشێ كلتۆرێ گەلێ كوردستانێ و پاراستنا نەریتێن جڤاكا ئێزدیان كریە.

تەکەز ژی کر کو، ئەم د وێ باوەریێدانە کۆ ئەڤ کەد و خەباتا هەڤالێن ڕەوشەنبیر و خەمخۆرێن ئێزدیاتیێ دناڤا دەزگەهێن لالش دێ ڕۆژەکا گەش ژ چارەنڤیسێ ئێزدیاتیێ تۆمارکەن، ژبەرکۆ دوژمنا گەلەک شاشی دەرهەقێ ئێزدیاتیێ ئەنجامداینه، سەرهلدانا ڤان کچ و خۆرتێن ڕەوشەنبیر و زانا دناڤا ئۆرگانێن لالش ژبۆ هشیارکرنا ئێزدیاتیێ ل سەر ڕێيا ڕاست و دروست و بەرسنگگرتنا نەیارێن ئێزدیاتیێ کو ئێزدی ملەتەکێ خودێ ناس و باوەری ب ئێکانەیا خودێ هەیه‌ و خودانێن کوردستانێنه و بەردەوام هەول و بزاڤێن وان ل هەر جهەکێ هەنه.

گوتژی، هیڤیدارین دخزمەتکرنا بیاڤێن ڕەوشەنبیری و جڤاکی و خۆرتکرنا گیانێ پێکڤەژیانێ بەردەوامبن و هەر دسەرفەرازبن و دووبارە یادا وە پیرۆز بیتن هەر شاد و بەختەوەر و سەرفەراز و سەرکەفتی بن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi