بنگه‌هێ لالش 126مين سالڤه‌گه‌را رۆژنامه‌گه‌ريا كوردى پیرۆز دكه‌ت
ل سالڤه‌گه‌را ده‌رچوونا ئێكه‌م رۆژناما كوردى(رۆژناما كوردستان) كو دبته هه‌لكه‌فتا رۆژا رۆژنامه‌گه‌ريا كوردى و بۆرینا 126 سالێن پڕ ژ خەبات و تێکۆشان ل سەر دامەزراندنێ و هەلکرنا چریسکا ئێکێ یا ئازادیا رەوشەنبیری،جوانترین پیرۆزباهیان ل هەموو رۆژنامەڤان و میدیاکار و ڕەوشەنبیرێن کوردستانێ دکەین و هیڤی یا بەردەوامی و پێشڤەچوونێ ژبۆ کار و ئەرکێ وان یێ پیرۆز دکەین.
رۆژنامه‌گه‌ريا كوردى ل 22 نیسانێ سالا 1898 شه‌مالكا ئێكێ یا هه‌لكری كو ئێكه‌مین هه‌ژمارا رۆژناما كوردستان یا هاتیه ده‌رخستن ل ڤێ دیرۆكێ ل پایته‌ختێ مسرێ (قاهیره) ژ لایێ میقداد مدحه‌ت به‌درخان ڤه،وه‌ك ستێره‌كا گه‌ش د دیرۆكا ملله‌تێ كوردی دا هه‌لگرێن خه‌تیرا راگه‌هاندن و ڕه‌وشه‌نبیریێ كو به‌رپه‌رێن رۆژنامه‌ڤانیێ ب په‌یڤا ڕه‌سه‌ن و ئازاد نه‌خشكرن و د خزمه‌تا بزاڤا ڕزگاریخوازیا كوردی دا ته‌رخانكری،22 نیسانێ پێنگاڤا ئێكێ بوو ژ بۆ ئاڤاكرنا جڤاكێ كوردی یێ ڕه‌وشه‌نبیر و پێشكه‌فتی و هه‌ڤچه‌رخ و ئاماده‌كرنا نڤشته‌كێ چه‌كدار ب چه‌كێ زانستێ و زانینێ و بزاڤێ و خه‌مخۆریا نه‌ته‌وه‌یی و چه‌سپاندنا مافێ ڕه‌وايێ كوردان.
رۆژنامه‌گه‌ريا كوردى هه‌ر ل ده‌ستپێكا ده‌ركه‌فتنا وێ و د قۆناغێن جودا جودا یێن خه‌باتێ یێن گه‌لێ مه، مل ب ملێ چین و توێژێن دى یێن خه‌باتكه‌ر ل كوردستانێ ل دژى داگیركارى و دیكتاتورى یێ راوه‌ستیاى و روشنایى و دژایه‌تیا زولم و نه‌یارێن كوردستانێ، خه‌سله‌تێن دیار یێن رۆژنامه‌گه‌ريا كوردى بووینه،بلا بیره‌وه‌ریا رۆژا رۆژنامه‌گه‌ريا كوردی ببته پالده‌ره‌ك بۆ روژنامه‌ڤانیه‌كا ئه‌كتیڤ و كاریگه‌ر و هه‌ستیار كو هه‌رده‌م د خزمه‌تا گه‌ل و وه‌لاتی دا بت و ڕۆلێ وان ڕۆژنامه‌ڤان بلند دنرخينين يێن جانێ خۆ كريه فيدايى پێناڤى گه‌هاندنا دۆزا گه‌لێ كورد بۆ گه‌ل و ملله‌تێن جيهانى.
دووبارە ئەڤ هەلکەفتا مێژوویی ل تەڤایا رەوشەنبیرێن کوردستانێ ب گشتی پیرۆزبت
ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى/دهۆك
21ى نيسانا 2024
تُتاح هذه الصورة أيضا في: کوردی
