ئایار 25, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ڤیسته‌ڤالا شاریا یا کەلتۆری يا هه‌مه‌جۆر هاته‌ ل دارخستن

ڤیسته‌ڤالا شاریا یا کەلتۆری يا هه‌مه‌جۆر هاته‌ ل دارخستن

تۆڕا لالش/دهۆك

ئێڤاريا ئيرۆ ڕۆژا شه‌مبوويێ 20ى نيسانا 2024ێ،ل ژێر دروشمێ (کەلتۆر ناسناما گەلانە) ڤیسته‌ڤالا شاریا یا کەلتۆری ب چه‌ندين برگه‌ و چالاكيێن هه‌مه‌جۆر هاته‌ ل دارخستن.

ب ئامادەبوونا هه‌ژمارکا مەزن ژ ئەندامێن دام و دەزگەهێن میری و به‌رپرس و نوونه‌رێن یه‌كه‌یێن ئیدارى یێن قه‌زایێن سێمێل و شنگال و ناحیا فه‌یديێ و پارێزگه‌ها دهۆك و شنگال و نوونه‌رێن ئێزدیان ل په‌رله‌مانێ عیراقێ و هه‌رێمێ و هه‌ردوو حكومه‌تان و نوونه‌رێن ڕێكخراوێن نێڤ ده‌وله‌تى و ناڤخۆى، دام وده‌زگه‌هێن شاریا و كه‌سایه‌تى و ڕیهسپى و ڕه‌وشه‌نبیر و مامۆستایێن ده‌ڤه‌رێ ژ خوه‌جهێن شاریا و ئاواره‌یێن شنگالێ و گه‌نج و كه‌چ و ژنێن ئێزدى و ڕزگاربوویێن ژ ده‌ستێ داعش،ڤیسته‌ڤالا شاریا یا كه‌لتۆرى ب پشتەڤانیا دەستەیا بلندا بنگەهێ لالش يێ ڕەوشه‌نبيرى و كۆمەلایەتی و ڕێكخراوێن(jrs،داک،ئێمە،بهاراهیڤیا،نوپێل،پەناگەهـ،فری تو رەن،العمل المقدس و مالا جڤين يا بێ سه‌ميانان و ئەنجومەنێ ئافرەتێن شنگال و ناڤەندا ئافرەتێن شاريا) ب ڕێڤه‌چوو .

ل ده‌ستپێكێ وه‌ك ڕێزگرتن ل سه‌ر گيانێ جانگۆريان ئاماده‌بوويى خۆله‌كه‌كێ سه‌كنين،لدووڤدا ڕێوره‌سمێن ڤيسته‌ڤالێ ده‌ستپێكرن و په‌يڤه‌ك ژلايێ ڕێزدار “سه‌عيد جردۆ” سه‌رۆكێ بنگه‌هێ لالش و “دلگه‌ش سه‌ليم” به‌رپرسێ بنگه‌هێ لالش تايێ شاريا و به‌رپرسێ رێكخراوا(jrs) ڤه‌ هاتنه‌ پێشكێشكرن.

د ڤێ ڤیستەڤالێ دا چه‌ند سترانێن فلكلۆرى و پارچه‌ مۆزيك هاتنه‌ گۆتن و پێشكێشكرن،دگه‌ل نمایشكرنا جلوبه‌رگێن كه‌لتۆرى یێن ئێزدیان،كه‌لوپه‌لێن میللى، خوارنێن كه‌لتۆرى، نمایشێن هۆنه‌رى و موزیكێ، كارێن ده‌ستى، پێشانگه‌هه‌كا په‌رتووكان،پاشان كورته‌ فلمه‌ك هاته‌ پيشاندان.

برگه‌يێن ڤيسته‌ڤالێ دكه‌شه‌كێ بالكێش دا ب ڕێڤه‌چوون و بوونه‌ جيێ سه‌ره‌نجا ئاماده‌بوويان.

ڤیسته‌ڤالا شاریا یا کەلتۆری سالانه‌ ژلايێ بنگه‌هێ لالش تايێ شاريا ب هه‌ماهه‌نگى ل گه‌ل چه‌ند سازيان ڤه‌ دئێته‌ گێڕان.

   

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi