كۆنفڕانسێ ڕاگەهاندنا بەلگەیا هەماهەنگیێ یا باكورێ شنگالێ ب رێڤەچوو
ئاڤا نیوز
ب ئامادەبوونا پارێزگارێ نەینەوا، نوونەرێ وەزارەتا ناڤخۆیا حکومەتا هەرێما کوردستانێ، ئەندامێن جڤاتا پارێزگەها نەینەوا و سەرۆک هۆزێن باکورێ شنگالێ کۆنفرانسێ ڕاگەهاندنا بەلگەیا هەماهەنگیێ ل باکورێ شنگالێ ب رێڤەچوو.
لێدوانا فەرمی: “شێخ عومەر” ئێک ژ سەرۆک هۆزێن شنگالێ یە بۆ ئاڤا نیۆز گۆت، د ئەڤی کۆنفڕانسی دا چەندین بابەتێن گرنگ یێن گرێدایی ب هەماهەنگیێ د ناڤبەرا هەموو پێکهاتەیێن نەینەوا و شنگالێ دا هاتنە گەنگەشکرن، و چاڤەڕێ دهێتە کرن ب ڕێکا ئەڤی کۆنفڕانسی کارەکێ باشتر ژ بۆ خورتکرنا پەیوەندیێن پێکڤەژیانێ بهێتە کرن.
زانیاریێن زیدەتر: کۆنفڕانسێ ڕاگەهاندنا بەلگەیا هەماهەنگیێ ل باکورێ شنگالێ ژ لایێ کۆمەلگەها رزگاری یا عێراقێ ب هەماهەنگی ل گەل پەیمانگەها ئەمریکی بۆ ئاشتی ب رێڤەچوو و دانۆستاندن د ناڤبەرا سەرۆکاتیا کۆنفڕانسی و نوونەریێن دەڤەران هاتە کرن.
کۆپیەکا راستپاردەیێن کۆنفرانسێ ناڤهاتی ب ئیمزایا “عەبدولقادر دەخیل” پارێزگارێ نەینەوا ب دەست ئاڤا نیوز کەفتیە کو ژ ئەڤان خالان پێک دهێت:
1- ئێکگرتنا بیاڤێ ئێمناهیێ و گرێدانا هەمی هێزێن ناڤا شنگالێ ب ئێک کارگێری ڤە، و بڕیاردەرێ وان ژی حکومەتا ناڤەندی بێت
.2- ڕێکخستنا کارێ دروست ژ بۆ ئاڤاکرنا شنگالێ، ژبەرکو کارێ پێدڤی ژ بۆ ئاڤاکرنا شنگالێ نەهاتیە کرن.
3- ب زووترین دەم قەرەبوویا کەس و کارێن قوربانیان و ئەو کەسێن د دەمێ هێرشێن داعشێ دا زەرمەند بووین؛ بهێتەکرن، ژبەرکو هەتا نوکە پتریا خەلکێ شنگالێ و باکورێ شنگالێ نەهاتینە قەرەبووکرن.
4- دێ کار ل سەر گهۆرینێن کەش و هەوایی هێتە کرن، و ئینانا ئاڤا پاقژ ژ بۆ خەلکێ باکورێ شنگالێ و گوندێن عەرەبان یێن گرێدایی ب ناحیەیا سنوونێ ڤە.
تُتاح هذه الصورة أيضا في: کوردی
