سه‌رۆكێ بنگه‌هێ لالش:پێدڤيه يونيتاد بۆ جڤاتا ئاساييشا نێڤ ده‌وله‌تى ب سه‌لمينت ئه‌وا بسه‌رێ ئێزديان دا هاتى ب هه‌موو پيڤه‌ران جينۆسايده
تۆڕا لالش:
سه‌رۆكێ ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى ل دهۆكێ ڕاگه‌هاند؛تيما يونيتاد بۆ ديكيۆمێنتكرنا به‌لگه‌نامه‌يێن تاوانێن داعشێ به‌رى ئه‌ركێ خۆ ته‌مام بكه‌ت،دكارت هه‌لويسته‌كێ شه‌ره‌فمه‌ندانه د ڕێبازا مرۆڤايه‌تيێ دا تۆمار بكه‌ت ئه‌و ژى راپۆرته‌كێ ل دۆر جينۆسايدا ئێزديان پێشكێشى جڤاتا ئاساييشا نێڤ ده‌وله‌تى بكه‌ت.
ڕێزدار سه‌عيد جردۆ،سه‌رۆكێ بنگه‌هێ لالش،ئيرۆ دووشه‌مبوويێ 25ى ئادارا 2024 بۆ(تۆڕا لالش)دياركر؛تيما يونيتاد يا نێڤ ده‌وله‌تى كو ئه‌ركێ ديكيۆمێنتكرنا به‌لگه‌نامه‌يێن تاوانێن داعشێ ل سه‌ره،به‌رى كارێن ئه‌ركێ خۆ ته‌مام بكه‌ت،دكارت هه‌لويسته‌كێ شه‌ره‌فمه‌ندانه د ڕێبازا مرۆڤايه‌تيێ دا تۆمار بكه‌ت ئه‌و ژى راپۆرته‌كێ پێشكێشى جڤاتا ئاساييشا نێڤ ده‌وله‌تى بكه‌ت ل گۆڕه‌ى ئه‌وا دماوێ كارێ خۆ دا بده‌ستخستين و بۆ وان هاتيه سه‌لماندن تاوانا بسه‌رێ ئێزديان دا هاتى ب هه‌موو پيڤه‌ران جينۆسايده.
سه‌رۆكێ بنگه‌هێ لالش ڕۆنكر ژى:داخوازين كارێ یونیتاد بۆ ڤه‌كۆلینێن تاوانێن تيرۆرستێن داعش به‌رده‌وامی پێ بێته‌دان،ژبه‌ركو هه‌تا نۆكه جینۆسایدا ئێزدیان ل شنگالێ یا به‌رده‌وامه.
تيما يونيتاد لیژنەیەكا نێڤ دەوڵەتی يه بۆ هاريكاريكرنا عيراقێ بۆ ڤه‌كۆلینێن تاوانێن داعشێ هاته پێكئينان،لێ به‌ريا ئه‌ركێ خۆ ته‌مام بكه‌ت حكومه‌تا عيراقێ داوى ب كارێ هنارتێن وێ تيمێ ئينا.
ڕێكخراوا داعش يا تيرۆرستى تاوانێن كۆمكوژى و گۆڕێن بكۆم و گرتن و تالانكرن ده‌رهه‌قێ ئێزديان دا ئه‌نجامدا ده‌ما ل ڕۆژا 3/8/2014ده‌ست بسه‌ر قه‌زا شنگالێ دا گرتى و ژ ئه‌نجامێ وێ هێرشى هێشتا چاره‌نڤيسێ زێده‌ترى 2هه‌زار گرتيێن ئێزدى يێ ديارنينه و ب هه‌زاران خه‌لك ده‌ربه‌ده‌ر و ئاواره نه ل كه‌مپاندا.
تُتاح هذه الصورة أيضا في: کوردی
