ل بنگههێ لالش دانوستاندنهكا ڤهكرى ل دۆر ياسايا ڕزگاربوويێن ئێزدى هاته كرن
تۆڕا لالش/دهۆك
ژ زنجيره پێنج شهما ڕهوشهنبيرى،ئيرۆ 14ى ئادارا 2024ێ،بنگههێ لالش ل دهۆكێ دانوستاندنهكا ڤهكرى بۆ”سعود مستۆ”رێڤهبهرێ گشتيێ كاروبارێن ئێزديان ل دۆر(ياسايا ڕزگاربوويان..گرفت و دهرئهنجام) ل دارخست،ب ئامادهبوونا ههژمارهكا كهسايهتى و ئهكاديمى و ڕهوشهنبيران.
پشتى خۆلهكهك ڕاوهستيان ل سهر گيانێ جانگۆريێن كوردستانێ سهروهرێ وان بارزانيێ نهمر و كاك ئدريسێ جوانهمهرگ،ئهندامێ دهستهيا بلندا بنگههێ لالش “داود موراد خهتارى” بخێرهاتنا ئامادهبوويان كر و باس ل جينۆسايديێن بسهرێ ئێزديان دا هاتين و گرنگيا ياسايا ڕزگاربوويان بۆ قوربانيان كر.
لدووڤدا “سعود مستۆ”رێڤهبهرێ گشتيێ كاروبارێن ئێزديان دياركر؛ههر ژ سالا 2014ێ وهره تا نۆكه پهرلهمانێ عيراقێ ياسايهك دهرنهئێخستيه ل سهر كۆمكوژيا ئێزديان ل سهر دهستێ ڕێكخراوا داعش يا تيرۆرستى و بتنێ ياسايا ڕزگاربوويان ل سالا 2021دهرچوويه و ههموو برگهيێن ڤێ ياسايێ و گرنگيا وان بۆ جڤاكا ئێزديان دانه دياركرن.
دياركر ژى:ليژنهيا شههيدان و زيندانيێن سياسى ل پهرلهمانێ عيراقێ پێشنياز كريه دهستكاريێ دڤێ ياسايێ دا بكهن و دڤێن ڕۆژا 3/8يا جينۆسايدا ئێزديان نهمينت و بكهنه 10/6 دهمێ ڕێكخراوا داعش يا تيرۆرستى دهست بسهر مووسل دا گرتى داكو هندهك چينێن ديتر ژى ژ وێ ياسايێ مفادار بن و ڤێ يهكێ دێ گهلهك خرابيا خۆ ل سهر ئێزديان ههبت.
ڕێڤهبهرێ گشتيێ كاروبارێن ئێزديان ئاشكهراكر:ياسايا ڕزگاربوويان نۆكه يا هاتيه ڕاگرتن بهلێ چ گهرهنتى نينن و دڤێت ههموو سازيێن پهيوهندارێن ئێزديان ل دژى ڤێ پێشنيازا پهرلهمانێ عيراقێ ب سهكنن،ژبهركو ئهڤ ياسايه نۆكه ههى بهرههمێ وێرهكيا كچ و ژنێن ئێزدى يه.
گۆت ژى پێدڤيه گوهۆرين دڤێ ياسايێ دا نهئێنه كرن و كارێ ههموو جهێن پهيوهندار يێن ئێزديان ڕێكخستى بت و بنگههێ لالش دهستپێشخهرييهكێ بۆ ڤێ پرسێ بكهت.
پاشان دانوستاندنەکا ب تێر و تەسەڵ ل دۆر ياسايا ڕزگاربوويان دناڤبهرا ئامادهبوويان دا پهيدابوو،هەروسا چەندین ڕاسپاردە ئاراستەى رێڤهبهرێ گشتيێ كاروبارێن ئێزديان هاتنە كرن.
ل گۆڕهى ياسايا ڕزگاربوويان،پێدڤيه قهرهبووى و پێگههاندنا كچ و ژنێن ڕزگاربوويێن ئێزدى ژ دهستێ داعشێ و زهمينهكا خۆش بۆ ژيانا وان بێته دابينكرن.
ڕێكخراوا داعش يا تيرۆرستى ل ڕۆژا 3/8/2014ێ هێرشى قهزا شنگال كر و كۆمكوژى و تاوانێن دژى مرۆڤايهتيێ دهرههقێ ئێزديان دا ئهنجامدا.
دهستهيا بلندا بنگههێ لالش يێ ڕهوشهنبيرى و كۆمهڵايهتى ل دهۆكێ،ههموو ڕۆژێن پێنج شهمبوويان دانوستاندنهكا ڤهكرى ل دۆر مژارهكا گرنگ بۆ ڕهوشهنبيرێن ئێزديان ئهنجام ددهت.
تُتاح هذه الصورة أيضا في: کوردی