تايى و نڤيسينگه‌هێن لالش ڕۆژا جل وبەرگێن كوردى ب چه‌ندين چالاكيان ساخ دكه‌ن
تۆڕا لالش:
ل ڕۆژا ئێك شه‌مبوويێ 10/3/2024ێ،ب هه‌لكه‌فتا ڕۆژا جل وبەرگێن كوردى تايى و نڤيسينگه‌هێن بنگه‌هێ لالش چه‌ندين چالاكيێن جۆراوجۆر ل گوند و كۆمه‌لگه‌هێن ئێزديان و كه‌مپان ئه‌نجامدان.
بڤێ هه‌لكه‌فتێ ل کەمپا قادیا ب ئامادەبوونا به‌رپرس وئەندامێن دەسەتیا ڕێڤەبەرا بنگەهێ لالش تایێ سنوونێ و ڕێڤەبەر وجێگرێ کەمپێ و ڕێڤەبەر ومامۆستا وکارمەند وقوتابیێن ئامادەیا کەمپا قادیا یا زمانێ کوردی وخەلکێ كەمپێ،قارەمانیا قوتابخانێ یا ڤۆلی بۆلێ ب داوی هات پشتی هه‌ردوو تیمێن مامۆستا و قوتابیێن دوانزدێ زانستی گه‌هشتينه یاریا داويێ ژ سه‌رجه‌مێ 8 تیمێن دی.
پاشان هەردوو تیم هاتنە خەلاتکرن زێدەباری چەند خەلاتێن تایبەت.
هه‌ر ديسان بنگه‌هێ لالش تايێ شنگال ب هه‌لكه‌فتا ڕۆژا جل وبەرگێن كوردى،چه‌ندين چالاكيێن هه‌مه‌جۆر و پێشانگه‌هه‌كا كارێن ده‌ستى ب پشكداريا قوتابخانێن خووندنا كوردى ل كه‌مپا خانكێ ئه‌نجامدان.
هه‌روه‌سا 50 قوتابيێن پشكدارى دكارێن ده‌ستى دا كرين هاتنه خه‌لاتكرن.
ئيرۆ ل سه‌رانسه‌رى هه‌رێما كوردستانێ ب هه‌لكه‌فتا ڕۆژا جل وبەرگێن كوردى چالاكيێن جۆراوجۆر هاتنه گێڕان.
تُتاح هذه الصورة أيضا في: کوردی
