نڤیسینگەها لالش مەهەتێ هه‌ژماره‌كا ئافره‌تان خه‌لات دكه‌ت
تۆڕا لالش:
ئيڤاريا ئيرۆ ڕۆژا ئێك شەمبوويێ 10ى ئادارا 2024ێ،ل هۆلا لالش مەهەتێ و ب ئاماده‌بوونا “صادق علو” بەرپرسێ لیژنا شێخان دگەل هه‌ژماره‌كا زۆر ژ كه‌سايه‌تى و ڕه‌وشه‌نبير و مامۆستايان بیرەوەريێن هه‌شتى ئادارێ ڕۆژا جيهانى يا ئافره‌تان و ڕۆژ جل و به‌رگێن كوردى هاتنه ساخکرن.
ل ده‌ستپێكێ ئاماده‌بوويى خۆله‌كه‌كێ سه‌كنين وه‌ك ڕێزگرتن ل سه‌ر گيانێ جانگۆريێن کورد و كوردستانێ و سه‌روه‌رێ وان بارزانيێ نه‌مر و كاك ئدريسێ جوانه‌مه‌رگ،ل دووڤدا “مەهدی حەسەن” به‌رپرسێ نڤیسینگەها لالش مه‌هه‌تێ بخێرهاتنا ئاماده‌بوويان كر و دپه‌يڤه‌كێ دا هەلکەفتا 8ى ئادارێ و ڕۆژا جل و بەرگێن کوردی ل تەڤایا ئافرەتێن کوردستانی پیرۆز کر و دياركر كو هەیڤا ئادار و نەورۆزێ هەیڤا خۆشی و نەخۆشیێن گەلێ کوردستانێ یە و ب هەیڤا بەرخودانێ دئێتە ناسین و گۆت ئەم وەک لالش ب ئەرکێ خۆ دزانین ڤان هەلکەفت و بیرەوەریێن ئادارێ و نەورۆزێ وەك زنجیره ئێک ل دووڤ ئێکێ ساخ بکەین.
هەروەسا صادق علو،بەرپرسێ لیژنا شیخان پەیڤەک خاند و تێدا ب درێژاهی بەحسێ ڕۆژا 8ی ئادارێ و ڕۆژا جل و بەرگین کوردی کر و ئاماژە دا ئافرەتا کوردستانی و خزمەت و خەباتا ئافرەتا کوردستانی د بزاڤا ئازادیخوازا گەلێ کوردا و ڕؤلێ ئافرەتێ د هەموو بوارا دا نە خاسمە ل شۆرەشا ئەیلول و گولانێ وەک جان فیدا خۆ گۆری ئاخا وەلاتی کرینە.
ل داويێ 10 ئافره‌ت ب هەلکەفتا 8ى ئادارێ ڕۆژا جيهانى يا ئافره‌تان و ڕۆژا جل و بەرگێن کوردی ژلايێ نڤيسينگه‌ها لالش ڤه‌هاتنه خه‌لاتكرن.
تُتاح هذه الصورة أيضا في: کوردی
