نیسان 15, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

شانده‌كێ ده‌سته‌يا بلندا بنگه‌هێ لالش سه‌ره‌دانا مه‌زارێ نه‌مران دكه‌ن

شانده‌كێ ده‌سته‌يا بلندا بنگه‌هێ لالش سه‌ره‌دانا مه‌زارێ نه‌مران دكه‌ن
تۆڕا لالش/دهۆك
ب مه‌ره‌ما نووكرنا سۆزو په‌یمانان ل سه‌ر ڕێبازا پیرۆزا بارزانیێ نه‌مر و كاك ئدریسێ هه‌رده‌م ساخ,ئيرۆ 9ى ئادارا 2024ێ،ب هه‌لكه‌فتا وه‌غه‌ركرنا بارزانیێ نه‌مر شانده‌كێ ده‌سته‌يا بلندا بنگه‌هێ لالش ب گشت تايى و نڤيسينگه‌هێن خۆ ڤه‌ ل ده‌ڤه‌رێن ئێزديان سه‌ره‌دانا مه‌زارێ نه‌مران ل گوندێ بارزان كرن.

 

شاندێ ده‌سته‌يا بلندا بنگه‌هێ لالش ژلایێ “شێخ خەلات بارزانی”نوونەرێ جه‌نابێ سەرۆك بارزانی ڤه‌ ھاتنە پێشوازیکرن،پاشان سەرەرای ھەڤخەمیا خۆ بۆ وه‌غه‌ركرنا بارزانیێ نه‌مر د ھەمان دەم دا ب دانانا تاجە گولینەیان سۆز و وه‌فاداريا خۆ بۆ ڕێبازا بارزانيێ نەمر دوپاتکرن.

دڤێ سەرەدانێ دە ڕێزدار”سه‌عيد جردۆ”سه‌رۆكێ ده‌سته‌يا بلندا بنگه‌هێ لالش په‌يڤه‌ك پێشكێشكر و تێدا دياركر؛وه‌كو وه‌فادرى و دلسۆزى بۆ ڕێبازا پیرۆزا بارزانیێ نه‌مر ئيرۆ بنگه‌هێ لالش ب ته‌ڤايا تايى و نڤيسينگه‌هێن خۆ ل سه‌رانسه‌رى ده‌ڤه‌رێن ئێزديان سه‌ره‌دانا مه‌زارێ نه‌مران كرينه‌ وه‌ك ئه‌ركه‌كى مرۆڤايه‌تى و نه‌ته‌وه‌ى و عورفه‌كى سالانه‌يه‌ هه‌ر ژ ده‌ستپێكا دامه‌زارندنا بنگه‌هێ لالش ل سالا 1993تا ئيرۆ ڕۆژ ئه‌م ل سه‌ر ڤى ئه‌ركێ پيرۆز دبه‌رده‌وامين،له‌وا ئيرۆ ژى ئه‌م هاتينه‌ سه‌ر مه‌زارێ ڤان سه‌روه‌رێن مه‌زن داكو سۆز و په‌يمانان نووژه‌ن بكه‌ين ژبۆ خه‌بات و تێكۆشينا دوور و درێژا جه‌نابێ وان مه‌شخه‌لا وێ هه‌لگرتى،زێده‌بارى وێ فه‌لسه‌فه‌يا دناڤا جڤاكێ كوردى به‌لاڤ كرين ل سه‌ر بنه‌مايێ خودێناسى و نيشتيمانپه‌روه‌ريێ و هه‌ڤدوو قه‌بوولكرن و پێكڤه‌ژيانێ ئاڤايه‌.

سه‌رۆكێ بنگه‌هێ لالش ئاماژه‌ ب وێ چه‌ندێ دا ئه‌م ئێزدى ژى تووشى 74 فرمانان بووينه‌ ل سه‌ر ده‌ستێ دوژمنێن مرۆڤايه‌تيێ،لێ چ جاران ده‌ست ژ لالشا نوورانى كو ل ناڤ جه‌رگێ وه‌لاتێ مه‌ كوردستانا ره‌نگيندايه‌ به‌رنه‌دايه‌ و به‌رناده‌ين ژى،ديسان ئه‌م سۆز و په‌يمانان نوو دكه‌ين كو دێ هه‌ر مينين مريدێن وێ فه‌لسه‌فێ و ڕێبازا پيرۆزا بارزانيێ نه‌مر.

هه‌روه‌سا گۆت:دڤێت ئه‌م ژ بير نه‌كه‌ين پشته‌ڤانى يا بێ سنوور يا سه‌ركردايه‌تيا هه‌رێما كوردستانێ تايبه‌ت حكومه‌تا هه‌رێمێ و شه‌خسێ سه‌رۆكێ حكومه‌تێ كاك مه‌سرور بارزانى بۆ كار و چالاكيێن بنگه‌هێ لالش،له‌وما ئه‌م هه‌رده‌م سوپاسدار و قه‌ردارێن جه‌نابێ وينه‌،ديسان هيڤيخوازين ڕۆژ ب ڕۆژ تفاق و ته‌بايا هه‌موو پێكهاتێن كوردستانێ و هێز و پارتێن كوردستانى خورتر ببت و كوردستان هه‌رده‌م ئارام و ئاڤه‌دان بت.

ب مه‌به‌ستا نووکرنا سۆز و په‌یمانێن كوردایه‌تى و بیروباوه‌ران و وه‌فاداری بۆ گیانێ پاقژێ ڕابه‌رێ ملله‌تێ کورد وکوردایه‌تیێ (مه‌لا مسته‌فا بارزانی وئدریسێ هه‌رده‌م ساخ)،سالانه‌ ده‌سته‌يا بلندا بنگه‌هێ لالش دگه‌ل تايى و نڤيسينگه‌هێن خۆ سه‌ره‌دانا مه‌زارێ نه‌مران ل بارزان دكه‌ن.

       

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi