نیسان 15, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

حكومه‌تا عيراقێ یا ڕژده‌ ل سه‌ر دائێخستنا كه‌مپێن ئاواره‌يان

حكومه‌تا عيراقێ یا ڕژده‌ ل سه‌ر دائێخستنا كه‌مپێن ئاواره‌يان

باسنيوز:

جێگرێ پارێزگارێ نه‌ینه‌وا بۆ كارۆبارێن ئاواره‌ و په‌نابه‌ران دیاركر، حكومه‌تا عێراقێ بریاردایه‌ كه‌مپێن ئاواران بهێنه‌ دائێخستن بۆ ڤێ مه‌به‌ستێ ژى چه‌ند پێنگاڤ هاتینه‌ هاڤیتن ژوانا ژى دانا گوژمێ چوار ملیۆن دیناران بۆ ئاواره‌ ودابینكرنا پێدڤیێن ناڤمالێ و ئاڤاكرنا دوو هزار و 500 خانیان ل شنگال”.

عومه‌ر عه‌لى، جێگرێ پارێزگارێ نه‌ینه‌وا بۆ كارۆبارێن ئاواره‌ و په‌نابه‌ران بۆ (باسنیوز) راگه‌هاند، حكومه‌تا عێراقێ به‌رنامه‌ دانایه‌ بۆ گرتنا هه‌می كه‌مپێن ئاواران هه‌ر ئاواره‌كێ بزڤریته‌ سه‌ر جهـ و ماڵێن خۆ دێ چار ملیۆن دیناران وه‌رگریت دگه‌ل هه‌می پێدڤیێن ناڤمالێ ئه‌گەر چ كار نه‌بن دێ كاره‌ك ژی بۆ هێته‌ دابینكرن، ده‌لیڤێن كاركرنێ بۆ ئاواران دهێنه‌ دابینكرن ده‌مێ دزڤرنه‌ شنگالێ ئەگەر مووچەیى چاڤدێریا جڤاكی نه‌بیت و كه‌سه‌كێ هه‌ژار بیت دێ مووچه‌ ژی بۆ هێته‌ دابینكرن و دوو هزار و 500 خانى دێ ل شنگال ب هه‌ڤكاریا رێكخراوان هێنه‌ ئاڤاكرن، ئه‌و خێزانێن خانیێن وان هاتینه‌ خرابكرن و جهێ ئاكنجیبوونێ نه‌بیت دێ دناڤدا هێنه‌ ئاكنجیكرن”.

زێده‌تر گووت:” بریار وه‌سا هاتیه‌دان کۆ كه‌مپ نه‌مینن هه‌ر ئاواره‌كێ بڤێت ل كیڤە ئاكنجی بیت یێ ئازاده‌ ب تنێ به‌رنامه‌ ئه‌وه‌ کۆ كه‌مپێن ئاواران نه‌مینن و بهێنه‌ گرتن ل دووف بریارا حكومه‌تا عێراقێ كه‌مپ نامینن هه‌تا هه‌یڤا حه‌فت ژ ئه‌ڤ سالە چ كه‌س بناڤێ ئاواره‌ دناڤ عێراقێ دا نامینیت ل شنگالێ بتنێ ناكوكیێن سیاسى هه‌نه‌”.

عومه‌ر عه‌لى، خویا كر، كو هه‌تا نوكه‌ 13 هزار مامەڵە بۆ وه‌رگرتنا قه‌ره‌بووكرنێ تمامبووینه‌ و كار یێ لسه‌ر دهێته‌ كرن هه‌می خه‌لكێ زیان پێگه‌هشتى ل سه‌ر ده‌ستێ تێرۆرستێن داعش بهێنه‌ قه‌ره‌بووكرن بتنێ ئه‌م چاڤه‌رێینه‌ کۆ پاره‌ بهێت خه‌لكێ زیانلێكه‌فتى وه‌ربگرن ل دووڤ وێ رێژا زیانێ یا کۆ گه‌هشتیە وه‌لاتیان دێ قه‌رەبووكرنێ وه‌رگرن”.

ژئالیەکێ دیتر، پیر ده‌یان جه‌عفه‌ر، رێڤه‌به‌رێ كۆچ و كۆچبه‌ر و به‌رسڤدانا قه‌یرانان ل پارێزگه‌ها دهۆكێ بۆ (باسنیوز) دیاركر، حكومه‌تا عێراقێ پەستویەکا مه‌زن ل سه‌ر ئاواران دكه‌ت بۆ زڤرینا شنگالێ رۆژ بۆ رۆژێ هه‌ڤكاریا ئاواران یا كێم دبیت”.

رێڤه‌به‌رێ كۆچ و كۆچبه‌ر و به‌رسڤدانا قه‌یرانان دیاركر، پێدانا چار ملیۆن دیناران بۆ زڤرینا ئاواران گوژمێ گه‌له‌ك کێم یێ پارەیە ب كیماسی پێدڤیه‌ حكومه‌تا عێراقێ گوژمه‌كێ باش یێ پاره‌ی ته‌رخان بكه‌ت بۆ زڤرینا ئاواران ژبه‌ركۆ گه‌له‌ك ئاواره‌ هه‌نه‌ خانیێن وان ل شنگال خراب بووینه‌ نوكه‌ جهێ ئاكنجیبوونێ نینه‌ ل شنگال هه‌تا نوكه‌ چ بریار نه‌هاتیه‌ بۆ دائێخستنا كه‌مپێن ئاواران”.

گوتژی، ئاواره‌ بۆ زڤرینا سه‌ر جهێن خۆ ئازادن و هیچ ئاواره‌ك ب زۆردارى ناهێتە زڤراندن، ئه‌م دێ به‌رده‌وام هاریكاری و پشته‌ڤانییا ئاواران كه‌ین هه‌تا دناڤ كه‌مپان دا مابن”.

پیر ده‌یان، هه‌تا نوكه‌ پتر ژ 300 هزار ئاوارە دناڤ بیست كه‌مپێن سنورێ پارێزگه‌ها دهۆكێدا دژین”.

گوتژی:” حكومه‌تا هه‌رێما كوردستانێ نوكه‌ دوارێ دابینكرنا ئاڤ و كاره‌ب و په‌روه‌ردە و ساخله‌می و باژێرڤانیێ دا هه‌ڤكارییا ئاواران دكه‌ت و دێ هاریكارى و پشته‌ڤانیا حكومه‌تا هه‌رێما كوردستانێ بۆ ئاواران یا به‌رده‌وام بیت، نوكه‌ حكومه‌تا عێراقێ پەستویەکا گه‌له‌ك مه‌زن ل سه‌ر ئاواران چێكریه‌ بۆ زڤرینا شنگالێ خه‌لك ناڤێن خۆ تۆمار دكه‌ن”.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi