نیسان 19, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بنگه‌هێ لالش ڕۆژا جیهانی یا ئافرەتان پيرۆز دكه‌ت

بنگه‌هێ لالش ڕۆژا جیهانی یا ئافرەتان پيرۆز دكه‌ت
ب هەلکەفتا بیرەوەریا ٨ی ئادارێ ڕۆژا جیهانی یا ئافرەتان،گه‌رمترین پیرۆزباهیان ئاڕاستەی تەڤایا ئافرەتێن سەربەرز و شەره‌فمەندێن کوردستانێ و ب تایبەت ئافرەتێن ئازا و خوراگرێن ئێزدیان ل شنگالێ دكه‌ين.
ئافره‌تێن كوردستانێ هه‌رده‌م نموونا قۆربانیدان و خۆراگری و بهایێن مرۆڤایه‌تیێ نه‌ و هه‌رده‌م ئافره‌تێن بهێز و ئازا د ناڤ گه‌لێ كورد دا هه‌بووینه،ئافره‌تێن كوردستانێ ڕۆله‌كێ كاریگه‌ر و شكودار ل بزاڤا ڕزگاریخوازیا گه‌لێ كوردستانێ دا دیتی یه‌ ل دژی داگیركاریێ و سته‌ما جڤاكی خه‌باتكریه‌،بێگۆمان ئافرەتا کورد ژی مل ب ملێ زەلامان بەشداری ل هەموو شۆرەشێن کوردی دا کریە و ڕۆلەکێ باش گێرایە و چەندین جانگۆرى ل سەر ڕێیا پیرۆز پێشکێشى گەلێ خۆ کرینە، هه‌روه‌سا ب درێژاهیا دیرۆکێ ڕۆلەکێ ئێكجار مەزن هەبوویە د سەرکەفتنا شۆرەشان دا،ستوونەکا دەستهەل و قایمکەر بوویە ژبۆ بدەستڤەئینانا مافان بۆ جڤاکی ب گشتى.
ب ڤێ هه‌لكه‌فتێ هيڤيدارين كچ وژنێن گرتيێن ئێزدى يێن هه‌تا نۆكه‌ د ده‌ستێ تيرۆرستێن داعشێ دا ماين بێنه‌ ڕزگاركرن و ب ديتنا كه‌س وكارێن خۆ شاد ببن ڤه‌ و خه‌لكێ مه‌ يێ ئاواره‌ ژ ژيانا په‌ريشان يا ئاواره‌يێ ل ناڤا كه‌مپاندا قورتال ببن و وزه‌مينه‌ بێته‌ خۆشكرن ب سه‌رفه‌رازى ڤه‌گه‌رنه‌ ده‌ڤه‌رێن خۆ ڤه‌.
سلاڤ ل خۆراگریا ئافرەتا کوردستانێ ل هەر جهەکی وب تایبەت ل خۆراگریا ئافرەتا ئێزدی کوو بوویە قوربانا هەرە مەزن ل شنگالێ دەمێ هێرشێن داعشێ کو تێدا ب هەزاران دایك وخوشكێن مە بوونە ئێخسیرێن دەستێن هۆڤ ونەمەردان،سلاڤ ل ئافرەتێن ڕزگاربووین ژ دەستێ هۆڤێن ڕێکخراوا تیرۆرستی یا داعش.

ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى/دهۆك
7 ى ئادارا 2024

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi