نیسان 15, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بنگه‌هێ لالش:سەرهلدان کۆپیتکا یەکگرتنا گەڵ بوو ژبۆ پاشەرۆژەکا گەش..بلا ئەو یەکگرتن بمینت ڕێبازەك ژبۆ هەموو نفشان

بنگه‌هێ لالش:سەرهلدان کۆپیتکا یەکگرتنا گەڵ بوو ژبۆ پاشەرۆژەکا گەش..بلا ئەو یەکگرتن بمینت ڕێبازەك ژبۆ هەموو نفشان
ب هەلکەفتا ٣٣ مین سالڤەگەرا سەرهەلدانا گەلێ کوردستانێ، ئەوا ل ٥/٣/١٩٩١ ل دەروازێ سەرهەلدانێ، ل باژێرکێ ڕانیا ل دژی ستەم و زۆرداریا ڕژێما بەعسا داگیرکەر، ب پشتەڤانیا هێزێن پێشمەرگەی و سەرپەرشتیا مەرجەعێ گەلێ کورد جەنابێ سەرۆك مەسعود بارزانی، دەستپێکری و هەموو باژێر و باژێرکێن کوردستانێ ب خۆڤە گرتین و شونووارێن تەعریبا دەهان سالێن ڕژێما بەعسا فاشی ڕامالی و ئاخا کوردستانا پیرۆز ژ پستانێن داگیرکەران پاقژکری،ئەڤ ڕۆژا پیرۆز بوویە سەردەمەکی زێرین و دەستکەفتەکی نيشتيمانى و گرنگ و بنەمایەکی مکوم ژبۆ دامەزراندنا بنیاتەکا پۆلایی یا خەلکێ کوردستانێ.
سەرهلدان درێژه پێدانا شۆره‌شێن کوردستانێ و بەرهەمێ خۆڕاگری و ماندیبوون و خوونا جەماوەر و هێزا خەباتکەرێن كوردستانێ و ئیرادەیا پوولایین و ئێکرێزیا گەلێ کوردستانێ بوو و ڕۆژەکا پڕشەنگدار بوو د دیرۆکا هەڤچەرخا مللەتێ کورد دا، ئێکەمین چوریسکا ئاگرێ سەرهلدانا مەزن یا کو ل ڕۆژا پێنجی ئادارێ خەتیرا وێ گەشبووی و بێهنا ئازادیێ ل تەڤایا شار و باژێرێن کوردستانێ شاراندی و بەلاڤ بووی و بێ ڕاوەستان هەتا ڕۆژا ٢١ی ئادارا ساڵا ١٩٩١ێ بەردەوام کری و ژ ئەنجامێن وێ زۆربەیا دەڤەرێن کوردستانێ ل سەر دەستێ شێرەکورێن ڤی وەلاتی ڕزگاربووین و ئەڤ چەندە ژی بوویە دەستپێکا بدەستڤەهاتنا مافێ ڕەوایێ گەلێ کوردستانێ و تیشکێن ئازادیا وێ ب سەر تەڤایا مللەتێ مە دا هاتینە خوارێ و دەشت وچیایێن کوردستانێ ڕۆن وگەش کرین.
ئێزديان ب هیمه‌ته‌كا نه‌ته‌وه‌یى وه‌كو هه‌موو پێكهاته‌يێن نه‌ته‌وه‌ى و ئۆلى يێن هه‌رێما كوردستانێ ڕۆله‌كى به‌رچاڤ ل سه‌رهلدانێ دا هه‌بوويه‌ و مل ب ملێ هێزێن پێشمه‌رگه‌يێن قه‌هره‌مان پشكدارى د سه‌رهلدانێ كر ل دژى سته‌م و زۆرییا ڕژێما به‌عس، ئه‌ڤه‌ سه‌ركه‌فتنه‌كا مه‌زن و شانازیه‌كا مه‌زن بوو بۆ هه‌موو پێكهاته‌يان.
سه‌رهلدان ڕوودانه‌كا مێژوویی یا پڕی ده‌ستكه‌فت بوو و کۆپیتکا یەکگرتنا گەڵ بوو ژبۆ پاشەرۆژەکا گەش…بلا ئەو یەکگرتن بمینت ڕێبازەك ژبۆ هەموو نفشان.
پیرۆزە بیرەوەریا سەرهلدانا ئادارا ساڵا ١٩٩١ێ و ئازادیا گەلێ کورد و بەرەف وەلاتەکێ ئارام و دەولەتەکا سەربه‌خۆ ل ژێر سایا سیاسەتا حەکیمانە یا جەنابێ سەرۆك بارزانی و سیبەرا ئالایێ پیرۆزێ کوردستانێ.
سلاف و سه‌‌ربه‌رزى بۆ جانگۆريێن سەرهلدانێ و تەڤایا جانگۆريێن بزاڤا ڕزگاریخوازیا گەلێ کوردستانێ.

ده‌سته‌يا بلندا بنگه‌هێ لالش يێ ڕه‌وشه‌نبيرىو كۆمه‌ڵايه‌تى/دهۆك
5ى ئادارا 2024

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi