په‌رتووكه‌ك ل دۆر ديرۆكا باشيكێ هاته وه‌شاندن
تۆڕا لالش:
ئێڤاريا ئيرۆ 3/3/2024ێ،دڕێوره‌سمه‌كا ژ هه‌ژى دا بنگه‌هێ لالش تايێ به‌حزانێ ئاهه‌نگا ئيمزاكرنا په‌رتووكا(ديرۆكا باشيكێ 1958_1979) بۆ دانه‌ر” ئوساما ويسام برو” گێڕا،په‌رتووك ياكو دبته ژهه‌ژمارا 67 ئێك ژ وه‌شانێن بنگه‌هێ لالش يێ ڕه‌وشه‌نبيرى و كۆمه‌ڵايه‌تى يه.
ڕێوره‌سمان ب خۆله‌كه‌كا ڕاوه‌ستانێ بۆ گيانێ پاكێ جانگۆريان و سه‌روه‌رێ وان بارزانيێ نه‌مر و كاك ئدريسێ هه‌رده‌م ل بير ده‌ستپێكر،لدووڤدا “ره‌عه‌د تارق” بنگه‌هێ لالش تايێ به‌حزانێ په‌يڤه‌ك پێشكێشكر و تێدا ئاماژه دا پشته‌ڤانى يا بێ سنوور يا ڕێزدار مه‌سرور بارزانى سه‌رۆكێ حكومه‌تا هه‌رێما كوردستانێ بۆ بنگه‌هێ لالش و نڤيسكار و ڤه‌كۆله‌ران.
پاشان نڤيسه‌رێ په‌رتووكێ كورتيه‌ك دا سه‌ر ناڤه‌رۆكا په‌رتووكا خۆ و ده‌رگه‌هێ گه‌نگه‌شێ دناڤبه‌را وى و ئاماده‌بوويان دا هاته ڤه‌كرن.
ل داويێ په‌رتووكا ناڤبرى هاته ئيمزاكرن و به‌لاڤكرن ب سه‌ر ئاماده‌بوويان دا.
تُتاح هذه الصورة أيضا في: کوردی
