بنگه‌هێ لالش:ل بیرەوەریا وەغەرکرنا بارزانيێ نه‌مر
ب هه‌لكه‌فتا دەربازبوونا (45) سالان ل سەر وەغەرا داوی یا دانەرێ ڕێبازا پیرۆز بابێ روحی یێ نەتەوا گەلێ کورد بارزانیێ نەمر،ئەو سەرۆك و سەروەرێ بوویە نیشانا هەبوونا نەتەوەیەکی زولم لێکری،بەرهەمێ خەبات و قوربانیدانا بارزانیێ باب بۆ بدەستڤەئینانا ماف و ئارمانج و داخوازیێن نەتەوەیی حنێرەکا مەزنە و دیرۆکەکا پڕ سەروەرییە، ژ ئەنجامێن سەرکەفتنا سیاسەتا جەنابێ وی ئيرۆ کوردستان بەر ب قۆناغێن سەرخۆبوويێ ڤە دچت.
بێگۆمان بەرهەمێ ئازادییا ئيرۆ یا مرۆڤێ کوردستانی بەرهەمێ ڕەنج و هەیبەت و خەبات و خۆ گوڕیکرنا ڕێبازا بارزانییێ نەمر،ژلایێ ڤی سەرکردێ مەزن و ژێهاتی بەرێ بنیاتی بۆ هاتیە دانان،هەر دیسان ژ ئەنجامێن ئەوێ سیاسەتا حەکیمانە ئەڤ ئارامیا ل وەلاتێ مە بەرقرار ب سەرفەرازی تەڤایا کوردێن جیهانێ بناڤێ پیرۆزێ بارزانیێ نەمر شانازیێ دبەن و سەربلندن ژبەرکو گه‌لێ مه ژبن دەستیێ و زۆرداریا دوژمنان ڕزگارکرینە و ب مافێ خۆیێ ڕەوا شاد بووینە.
مه‌لا مسته‌فا بارزانى د درێژیا ژیانا خۆدا به‌رده‌وامى ب كاروانێ بزاڤا ڕزگاریخوازا كوردى دا، هه‌روه‌سا ڕابه‌راتیا مه‌زنترین شۆره‌شا ئه‌یلولێ كریه و بوویه سومبولا خه‌بات و ڕاپه‌رینا ل پێناڤێ ئازادیا گه‌لێ كوردستانێ و ناسنامە وهێمایێ شەرەفمەندییا هەموو کورد و کوردستانییان، لەوا هەر دێ مینی ساخ و نەمر جەنەرالێ چیا و کوپیتکێ سەرفەرازیێ بارزانیێ نەمر.
هەزار سلاڤ ل سەر گيانێ پيرۆزێ بارزانيێ نه‌مرو تەڤایا جانگۆريێن كوردستانێ.
ده‌سته‌يا بلندا بنگه‌هێ لالش يێ ڕه‌وشه‌نبيرى و كۆمه‌ڵايه‌تى/دهۆك
1ى ئادارێ 2024
تُتاح هذه الصورة أيضا في: کوردی
