کۆمبوونەکا بەرفرەهـ ل دۆر گرنگیا بنگەهێ لالش و سەنتەرێن ڕەوشەنبیری ب ڕێڤه‌چوو
تۆڕا لالش/دهۆك
ل سنوورێ لقێ 20يێ پارتى کۆمبوونەکا بەرفرەهـ ل دۆر گرنگیا بنگەهێ لالش و سەنتەرێن ڕەوشەنبیری ب ڕێڤه‌چوو.
ل بارەگایێ بەشێ ڕێکخراوێن جەماوەری و پیشەيی، ئیرۆ ڕۆژا چارشەمبوویێ 28ی شوباتا 2024،كۆمبوونەکا بەرفرەهـ ب سەرپەرشتیا خانم “خەولا خالد شلی”کارگیرا لقێ 20 و بەرپرسا ڕێکخراوێن جەماوەری و پیشەيی دگەل بەرپرسێن بنگەهـ و نڤیسینگەهێن لالش و بەرپرسێن سەنتەرێن رەوشەنبیری ل سنوورێ لقێ هاتە ئەنجامدان ل دۆر(گرنگیا بنگەهێ لالش و سەنتەرێن رەوشەبیری )، ب ئاماده‌بوونا بژاره‌يه‌كا كه‌سايه‌تى و ڕەوشەنبیر و نڤیسەران و بەرپرسێن لالش و سەنتەرێن ڕەوشەنبیری .
ل دەسپێکێ ئاماده‌بوويى خۆله‌كه‌كێ سه‌كنين ل سه‌ر گيانێ پاكێ جانگۆريێن کورد و کوردستانێ و سەروەرێ وان بارزانیێ نەمر و کاک ئەدریسێ جوانەمەرگ ،ل دووڤدا خانم خەولا تيشك خسته سه‌ر ڕۆلێ ڕەوشەنبیران و سەنتەر و بنگەهێن لالش کو ب خوشحالی ڤە ل قۆناغێن بۆری دا ڕۆلەکێ گەلەک باش و بەرز گێرایە و ئەو کەد و خزمەت و کار و چالاکیێن ڕۆژانە ئەنجام دەن جهێ ڕێز و سوپاسیا لقا مە نە و گۆت د خازین بەردەوام بن ل سەر بلندکرنا ئاستێ نەتەوەيی و نیشتیمانپەروەریێ دناڤا جڤاکی دا و وەک ئەرکەک د کەڤت سەر ملێ ڕەوشەنبیرا هزرا نەتەوەیی دناڤ خەلکێ مە دا بتر بەلاڤ کەن.
ل پێرا ده‌رگه‌هێ دانوستاندنێ دناڤبه‌را ئاماده‌بوويان و بەرپرسا نڤیسینگەهێ دا هاته ڤه‌كرن و دانوستاندن بتر زه‌نگين و ده‌وله‌مه‌ند كرن و ب سنگه‌كى به‌رفره‌هـ به‌رسڤا پرسياران هاته دان.
تُتاح هذه الصورة أيضا في: کوردی
