بنگه‌هێ لالش و پەیمانگەها شنگال یا تەکنیکی په‌يوه‌نديان خورت دكه‌ن
تۆڕا لالش/دهۆك
ب مه‌ره‌ما پێشكێشكرنا پيرۆزباهيێ،ئيرۆ چارشه‌مبوويێ 28ى شوباتێ 2024، ڕێزدار”سه‌عيد جردۆ” سه‌رۆكێ بنگه‌هێ لالش و “د.فارس كتى” به‌رپرسێ پشكا په‌يوه‌نديان سه‌ره‌دانا پەیمانگەها شنگال یا تەکنیکی كرن و ژلايێ ڕاگر و هاريكارێ وى ڤه هاتنه پێشوازيكرن.
سه‌رۆكێ بنگه‌هێ لالش پیرۆزباهى ل” د.گەیلان” ڕاگرێ پەیمانگەهێ وجێگرێ وی مامۆستا “ئه‌رشه‌د” كر،ب هەلکەفتا دەست ب کاربوونا وان وەکو ڕاگر و هاريكاريێن نوو یێن پەیمانگەهێ.
دهه‌ڤديتنێ دا به‌حس ل خورتكرنا په‌يوه‌نديان دناڤبه‌را بنگه‌هێ لالش و پەیمانگەها شنگال یا تەکنیکی و دانوستاندنەکا ب تێر وتەسەڵ ل سەر ڕەوشا خووندنێ هاته كرن.
هه‌روه‌سا هه‌ردوو ئاليان دوپات ل ئه‌نجامدانا كارێن هه‌ڤپشك دناڤبه‌را بنگه‌هێ لالش و پەیمانگەها شنگال یا تەکنیکی ل داهاتى كر ژبۆ بتر خزمه‌تكرنا جڤاكى.
تُتاح هذه الصورة أيضا في: کوردی
